Ajiwan: ప్రతి ఇంటి పెరట్లో కచ్చితంగా ఉండవలసిన మొక్కలలో వాము ఒకటి.. తక్కువ స్థలాన్ని ఆక్రమించి ఎక్కువ ప్రయోజనాలను అందిస్తుంది.. ఈ ఆకులో విశిష్ట లక్షణాలు ఉన్నాయి.. వాము ఆకులో ఎన్ని ఆరోగ్య ప్రయోజనాలు ఉన్నాయో తెలుసుకుందామా..!!
చిన్న పిల్లల్లో వచ్చే కడుపు నొప్పికి వాము ఆకు చక్కని పరిష్కారం. వాము ఆకు రసంలో తేనె కలిపి చిన్న పిల్లలకు ఇస్తే రోగ నిరోధక శక్తి పెరుగుతుంది..అలాగే దగ్గు, జలుబు, ఇన్ఫెక్షన్స్ వంటివి దరిచేరకుండా చేస్తుంది. దీనిలో యాంటీ సెప్టిక్ గుణాలు ఉన్నాయి. ఇది గాయాలను, మచ్చలను తొలగిస్తుంది.
వాము ఆకు తలనొప్పి తగ్గించడంలో ఔషధంగా పనిచేస్తుంది. వాము ఆకు రసాన్ని తలనొప్పి ఉన్న చోట రాస్తే త్వరగా తగ్గుతుంది.. అంతేకాకుండా ఏవైనా పురుగులు శరీరంపై కుడితే వాము ఆకు ను రుద్దినా విషం బయటకు వస్తుంది. వాము ఆకులను నమిలితే జీర్ణ సమస్యల నుంచి ఉపశమనం కలుగుతుంది. వికారం, గ్యాస్, అజీర్ణం వంటి సమస్యలకు వాము ఆకు చక్కటి పరిష్కారం.
వాము ఆకు తో వేడివేడి బజ్జీలు వేసుకొని తినవచ్చు.. వాము ఆకు తో పెరుగు పచ్చడి చేసుకుని తింటే రుచికరంగా ఉండడం తో పాటు అజీర్తి సమస్యలు కూడా దూరమవుతాయి.. అలాగే వాము ఆకు రసం కూడా పెట్టుకోవచ్చు.. ప్రతి ఇంటి పెరట్లో కచ్చితంగా ఈ ఈ మొక్క పెంచుకోవడం ద్వారా అనేక ఆరోగ్య సమస్యల నుంచి బయటపడతారు.