Foods: యవ్వనం దాటి మూడు పదుల వయసులో అడుపెట్టగనే పలు అనారోగ్య సమస్యలు దాడి చేయడానికి సిద్ధంగా ఉంటాయి.. ఈ వయసులో సంపాదన పై శ్రద్ధ పెరగడంతో ఆరోగ్యంపై అజాగ్రత్త వహిస్తారు.. 30 ఏళ్లు దాటిన తరువాత హార్మోన్లలో మార్పులు వస్తాయి.. దీనికి అనుగుణంగా ఆహారాన్ని తీసుకోవాలి..!! మనం కలర్ ఫుల్ డైట్ ఎలా సెట్ చేసుకోవాలో ఇప్పుడు చూద్దాం..!!
ఏ వయసు వారైనా నా నీటిని ఎక్కువగా తాగుతూ ఉండాలి. ఉదయం నిద్ర లేవగానే గోరువెచ్చటి నీటితో ప్రారంభించాలి. మనం ఆరోగ్యంగా ఉండాలంటే జీర్ణవ్యవస్థ సక్రమంగా ఉండాలి. కినోవా ను సూపర్ ఫుడ్ గా అభి వర్ణిస్తారు 30 సంవత్సరాలు పైబడిన వారు దీన్ని ప్రతి రోజూ తింటే జీర్ణసమస్యలు రాకుండా చేస్తుంది. అందుకు దీనిలో ఉండే ఫైబర్, యాంటీ ఆక్సిడెంట్స్, మినరల్స్, ఎమైనో యాసిడ్స్ కారణం. తాజా పండ్లు, ఆకు కూరలు తీసుకోవాలి. నువ్వులు, అవిసె గింజలు, రాగులు, మొలకెత్తిన గింజలు, వేయించిన వేరుశెనగ గింజలు, డ్రైఫ్రూట్స్, గుమ్మడి గింజలు ప్రతిరోజూ ఓ గుప్పెడు తింటే జీర్ణవ్యవస్థ తో పాటు రోగనిరోధక శక్తిని కూడా పెంపొందిస్తాయి. చియా సీడ్స్ అధిక బరువును, షుగర్ ను తగ్గించడానికి సహాయపడుతాయి. డయాబెటిస్, అధిక రక్తపోటు సమస్యలతో బాధపడుతూ ఉంటే వాటిని నియంత్రణలో ఉంచుకోవాలి.
ఆ టైం కి ఏదో ఒకటి హడావుడిగా తిన్నామని కాకుండా తీసుకునే ఆహారాన్ని ఆస్వాదిస్తూ తినాలి. ఒకేసారి ఎక్కువగా తినకూడదు. కొద్దిగా కొద్దిగా ప్రతి రెండు లేదా మూడు గంటలకు ఒకసారి ఏదో ఒకటి తీసుకుంటూ ఉండాలి. ఇది శక్తిని అందించడంతో పాటు అనారోగ్య సమస్యలు తలెత్తకుండా చేస్తుంది. పుదీనా, కొత్తిమీర, కరివేపాకు, మెంతి ఆకు, ఆకు పచ్చని కూరగాయలు, పండ్లు తీసుకోవాలి. ఒమేగా 3 ఫ్యాటీ యాసిడ్స్ ఉండే ఆహారాన్ని తీసుకోవాలి. శరీరానికి అవసరమైన సమతుల ఆహారాన్ని తీసుకుంటే అనారోగ్య సమస్యలు రాకుండా చేసుకోవచ్చు.