Vishwak Sen: టాలీవుడ్ యంగ్ హీరో విశ్వక్ సేన్ కళ్యాణంకు డేట్ ఖ‌రారు చేసుకున్నాడు. అయితే రియ‌ల్‌గా కాదండోయ్‌.. రీల్‌గానే. పూర్తి వివ‌రాల్లోకి వెళ్తే.. విశ్వక్ సేన్ హీరోగా విద్యాసాగర్ చింత దర్శకత్వంలో తెర‌కెక్కిన తాజా చిత్రం `అశోకవనంలో అర్జున కళ్యాణం`. బీవిఎస్ఎన్ ప్ర‌సాద్ స‌మ‌ర్ప‌ణ‌లో ఎస్‌విసీసీ డిజ‌ట‌ల్ బ్యాన‌ర్‌పై బాపినీడు, సుధీర్ ఈద‌ర సంయుక్తంగా ఈ చిత్రాన్ని నిర్మించారు.
‘రాజావారు రాణీగారు’ ఫేమ్ రవికిరణ్ కోలా కథ అందించిన ఈ చిత్రానికి జై క్రిష్ సంగీతం అందించారు. అలాగే ఇందులో విశ్వక్ స‌ర‌స‌న రుక్సార్ థిల్లాన్ హీరోయిన్‌గా న‌టించింది. పూర్తి స్థాయి వినోదాత్మకంగా తెర‌కెక్కిన ఈ సినిమా మార్చి 4వ తేదీనే విడుద‌ల కావాల్సి ఉంది. కానీ, ప‌లు కార‌ణాల వ‌ల్ల ఈ చిత్రం వాయిదా ప‌డింది. అయితే తాజాగా మేక‌ర్స్ కొత్త రిలీజ్ డేట్‌ను ప్ర‌క‌టించారు.
ఏప్రిల్ 22న `అశోకవనంలో అర్జున కళ్యాణం` గ్రాండ్‌గా ప్రేక్ష‌కుల ముందుకు రాబోతోంది. ఈ మేర‌కు మేక‌ర్స్ ఓ అధికారిక పోస్ట‌ర్‌ను సోష‌ల్ మీడియా ద్వారా షేర్ చేశారు. పెళ్లి కోసం ఆరాటపడే మిడిల్ క్లాస్ యువకుడి క‌థాంశంలో యూత్‌ను టార్గెట్ చేస్తూ ఈ చిత్రాన్ని తెర‌కెక్కించారు.
సినిమా ప్రారంభం నుండి విభిన్నంగా ప్రచారం చేస్తూ అందరి దృష్టిని ఆకర్షించారు. ఇందుకు తోడు ఇప్ప‌టి వ‌ర‌కు విడుద‌లైన పోస్ట‌ర్స్‌, టీజ‌ర్‌, సాంగ్స్ మ‌రింత అల‌రించాయి. దీంతో ఈ సినిమాపై భారీ అంచ‌నాలు ఏర్ప‌డ్డాయి. మ‌రి విశ్వక్ ఈ మూవీతో హిట్ కొడ‌తాడా..? లేదా..? అన్న‌ది చూడాలి.
https://www.instagram.com/p/CbHPohmJR4T/?utm_source=ig_web_copy_link
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!