Russia Ukraine War: దాదాపు ఆరు వారాల నుండి రష్యా ఉక్రెయిన్ దేశాల మధ్య యుద్ధం జరుగుతున్న సంగతి తెలిసిందే. జరుగుతున్న ఈ యుద్ధంలో రష్యా … ఉక్రెయిన్ ప్రజలపై అతి ప్రమాదకరమైన కెమికల్స్ కూడా ఉపయోగిస్తున్నట్లు వార్తలు వస్తున్నాయి. సైనిక మరియు సాంకేతిక పరంగా ఉక్రెయిన్ కంటే రష్యా బలంగా ఉన్నా గాని…ఉక్రెయిన్ ఆర్మీ గట్టిగా పోరాడుతూ ఉంది. ఈ క్రమంలో చాలామంది రష్యా సైనికులు బలికావడం మాత్రమే కాదు.. రష్యా యుద్ధ ట్యాంకులను కూడా.. వేల సంఖ్యలో ఉక్రెయిన్ ఆర్మీ మట్టు పెడుతూ ఉంది. పరిస్థితి ఇలా ఉంటే తాజాగా.. జరుగుతున్న యుద్ధంలో రష్యా యుద్ధనౌక ని నల్ల సముద్రంలో ఉక్రెయిన్ కూల్చేయడం జరిగింది. 
ఈ విషయాన్ని రష్యా రక్షణ మంత్రిత్వశాఖ వెల్లడించింది. అగ్ని ప్రమాదం వల్ల క్షిపణి క్రూయిజర్ సముద్రంలో ప్రమాదానికి గురైందని సిబ్బందిని కాపాడుకోగలమని రక్షణ శాఖ స్పష్టం చేసింది. క్షిపణి క్రూయిజర్ ఉక్రెయిన్ తో జరుగుతున్న యుద్ధానికి సంబంధించి ఆయుధాలను తరలించడంలో కీలకంగా రాణిస్తుంది. ఇటువంటి తరుణంలో క్షిపణి క్రూయిజర్ ప్రమాదానికి గురికావడం రష్యా ఆర్మీ కి కోలుకోలేని దెబ్బ అని వార్తలు వస్తున్నాయి. యుద్ధ నౌకలో ముందు గుండు పేలటం వల్ల ఈ ప్రమాదం సంభవించినట్లు రష్యా రక్షణ శాఖ స్పష్టం చేసింది. 
మరోపక్క మాత్రం ఉక్రెయిన్ ఇది మా ఆర్మీ దెబ్బ అని ప్రకటిస్తూ ఉంది. రష్యా మాత్రం… అగ్ని ప్రమాదం వల్ల సంభవించింది. ఉక్రెయిన్ ఆర్మీ కి అంత సీన్ లేదు అని తోసిపుచ్చుతూ ఉంది. సైనిక పరంగా ఇంకా చాలా విషయాలలో రష్యా బలమైన సైన్యం అయినా గాని ఉక్రెయిన్… దాడులలో భారీగా నష్టం చూస్తోందని అంతర్జాతీయ నివేదికలు వెల్లడిస్తున్నాయి. దాదాపు 20 వేల మంది రష్యన్ సైనికులు ఈ యుద్ధంలో చనిపోయినట్లు అదే రీతిలో భారీ స్థాయిలో వైమానిక యుద్ధ సామాగ్రి ఆయుధాలను కూడా రష్యా కోల్పోయినట్లు ఉక్రెయిన్ రక్షణశాఖ కొత్త లెక్కలు బయటపెట్టింది. ఇక ఇదే సమయంలో రష్యాతో జరుగుతున్న యుద్ధం విషయంలో మిగతా దేశాలు సహకరించాలని ఉక్రెయిన్ అభ్యర్థన చేస్తూ ఉంది.
Russia Ukraine War: సముద్రంలో రష్యా యుద్ధనౌకనీ కోలుకోలేని దెబ్బ తీసిన ఉక్రెయిన్ ఆర్మీ..??
