విజయరథంలో దూసుకెళ్తున్న `వీరమల్లు`.. అదిరిన తాజా పోస్ట‌ర్‌!

ప‌వ‌ర్ స్టార్ ప‌వ‌న్ క‌ళ్యాణ్‌, టాలీవుడ్ స్టార్ డైరెక్ట‌ర్ క్రిష్ కాంబినేష‌న్‌లో రూపుదిద్దుకుంటున్న చిత్రం `హరి హర వీరమల్లు`. జాక్వలిన్ ఫెర్నాండేజ్, నిధి అగర్వాల్ ఇందులో హీరోయిన్లుగా నటిస్తున్నారు. ఎ.ఎం.రత్నం సమర్పణలో మెగా సూర్య ప్రొడక్షన్స్ బ్యానర్ పై ఎ.దయాకర్ రావు ఈ చిత్రాన్ని నిర్మిస్తున్నారు.

రవాణి సంగీతాన్ని సమకూరుస్తున్నారు. ప‌వ‌న్ కెరీర్‌లో తెర‌కెక్కుతున్న తొలి హిస్టారికల్ మూవీ ఇది. గ‌త ఏడాదే సెట్స్ మీద‌కు వెళ్లిన ఈ చిత్రానికి.. ఆది నుంచి అడ్డంకులే ఎదుర‌వుతున్నాయి. దాంతో ఈ సినిమా చిత్రీక‌ర‌ణ ఆల‌స్య‌మ‌వుతూ వ‌స్తోంది. ఈ నేప‌థ్యంలోనే ప‌వ‌న్ అభిమానులు తీవ్ర నిరాశ‌లో మునిగిపోయాయి.

అయితే అభిమానుల నిరాశ‌ను పోగొట్టేందుకు `వీర‌మ‌ల్లు` టీమ్ సిద్ధ‌మైంది. రేపు ప‌వ‌న్ క‌ళ్యాణ్ బ‌ర్త్‌డే అన్న సంగ‌తి తెలిసిందే. ఈ సంద‌ర్భంగా రేపు సాయంత్రం 5.45 గంటలకు పవర్ గ్లాన్స్ పేరుతో ఓ పవర్ ఫుల్ వీడియో ను బ‌య‌టకు వ‌ద‌ల‌బోతున్న‌ట్లు మేక‌ర్స్ అధికారికంగా ప్రకటించారు.

అయితే ఈలోపే చిత్ర‌టీమ్ ఓ అదిరిపోయే పోస్ట‌ర్‌ను రిలీజ్ చేసి ప‌వ‌న్ అభిమానులు స‌ర్‌ప్రైజ్ చేసింది. `స్వాగతిస్తుంది సమరపథం.. దూసుకొస్తుంది వీరమల్లు విజయరథం` అంటూ మేక‌ర్స్ తాజా పోస్ట‌ర్‌ను బ‌య‌ట‌కు వ‌దిలారు. యుద్ధ భూమిలో కొదమ సింహంలాగా విజ‌య‌ర‌థంలో ప‌వ‌న్ దూసుకెళ్లూ క‌నిపించాడు. ఆక‌ట్టుకుంటున్న తాజా పోస్ట్ ప్ర‌స్తుతం నెట్టింట వైర‌ల్‌గా మారింది.

స్వాగతిస్తుంది సమరపథం
దూసుకొస్తుంది వీరమల్లు విజయరథం ✨

Advance Birthday wishes to our ‘Valorous Charioteer of Truth & Virtue’ #HariHaraVeeraMallu Sri @PawanKalyan garu#HHVM #PowerGlance tomorrow at 5:45pm🔥

A Film by @DirKrish #HBDPawanKalyan @mmkeeravaani @AMRathnamOfl pic.twitter.com/APDtEp8QDu

— Mega Surya Production (@MegaSuryaProd) September 1, 2022