Mahesh Babu : ఇపుడు టాలీవుడ్లో పెద్ద హాట్ టాపిక్ ఏదన్నా వుంది అంటే, అది రాజమౌళి, మహేష్ బాబు కాంబినేషన్ గురించే. ఈ కాంబినేషన్ గురించి అభిమానులు ఎన్నో ఏళ్లుగా ఎదురు చూస్తున్నారు. ఎట్టకేలకు వీరి కాంబినేషన్ షురూ అయ్యిందని అందరికీ తెలుసు. కాగా ప్రస్తుతం మహేష్ బాబు, త్రివిక్రమ్ మూవీ షూటింగ్‌లో జాయిన్ అయ్యారు. ఈ మూవీ కోసం మహేష్ బాబు సరికొత్తగా మేకోవర్ అయిన విషయం తెలిసినదే. ఈ సినిమా తర్వాతనే రాజమౌళితో చేయబోయే సినిమా సెట్స్ పైకి వెళ్లనుంది.
కాగా ఈ సినిమాను ఏకకాలంలో తెలుగుతో పాటు ఇంగ్లీష్‌లో కూడా షూట్ చేయనున్నారని సమాచారం. దీనికి సంబంధించి అన్ని ఏర్పాట్లు జరుగుతున్నాయని కూడా తెలుస్తోంది. RRR తర్వాత రాజమౌళికి హాలీవుడ్లో కూడా మంచి పాపులారటీ వచ్చింది. ఈ నేపథ్యంలో ఈ సినిమాను హాలీవుడ్లో కూడా రిలీజ్ చేయనున్నారు. అలాగే మిగతా ఇండియన్ భాషాల్లో డబ్ చేయనున్నారు. ఇక అది అలా ఉంటే ఈ సినిమాపై మరో ఇంట్రెస్టెంట్ అప్ డేట్ సోషల్ మీడియాలో వైరల్ అవుతోంది. ఆఫ్రికన్ ఫారెస్ట్ నేపథ్యంలో సాగే ఈ అడ్వెంచర్ డ్రామా నిజ జీవిత సంఘటన ఆధారంగా వస్తోందని తెలుస్తోంది.
మరోవైపు ఈ సినిమా కోసం మన జక్కన్న హాలీవుడ్‌ లాస్ ఏంజెల్స్‌కకు సంబంధించిన ప్రముఖ ఏజెన్సీ CAA (క్రియేటివ్ ఆర్టిస్ట్స్ ఏజెన్సీ)తో ఇటీవలే ఒప్పందం చేసుకున్నాడు. ఈ సంస్థ కాస్టింగ్‌తో పాటు, బ్రాండింగ్, మార్కెటింగ్‌ వంటి సేవలను అందిస్తుంది. దీని తరువాత రాజమౌళి చేసే నెక్స్ట్ ప్రాజెక్ట్ విషయంలో మరిన్ని అంచానాలు ఏర్పడుతున్నాయి. ఈ సినిమాలో హీరోయిన్‌గా హిందీ నటి దీపికా పదుకొనె ఫైనల్ అయ్యినట్టు గుసగుసలు వినబడుతున్నాయి. ఇక ఈ సినిమా ఆఫ్రికా ఖండం నేపథ్యంలో ఒక భారీ సాహసంతో కూడిన థ్రిల్లర్ మూవీని తెరకెక్కించబోతున్నట్టు ఆ మధ్య వార్తలు వచ్చిన సంగతి తెలిసినదే.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!