హైదరాబాద్: ప్రముఖ నటుడు అల్లు అర్జున్ తెరపైనే కాదు నిజ జీవితంలోనూ తన ప్రత్యేకతను చాటుకుంటారు. ఖరీదైన వస్తువులు, ఖరీదైన కార్ల కొనుగోళ్ల విషయంలో ఆయన ఎప్పుడూ ముందు ఉంటారు.
అల్లు అర్జున్ ‘క్యారవాన్’ అత్యంత ఖరీదుతో రూపొందించారు. ఈ ‘క్యారవాన్’ ఫోటోను బన్ని అభిమానులు సోషల్ మీడియాలో పోస్టు చేయడంతో వైరల్గా మారింది. బ్లాక్ కలర్లో ఈ ‘క్యారవాన్’ రూపొందించారు. ఈ ‘క్యారవాన్’పై ఆయన పేరుకు తగినట్లుగా ‘ఎఎ’ అని ఇంగ్లీషులో అక్షరాలు రాసి ఉన్నాయి. ఈ ‘క్యారవాన్’ ఖరీదు సుమారు ఏడు కోట్ల రూపాయలు కాగా ఇంటీరియల్ డిజైన్ కోసమే సుమారు మూడున్నర కోట్లు ఖర్చు చేశారు. విలాసవంతమైన సకల సౌకర్యాలు ఈ ‘క్యారవాన్’లో ఉన్నాయి.
ప్రస్తుతం అల్లు అర్జున్ త్రివిక్రమ్ సినిమాలో నటిస్తున్నారు. ఈ సినిమా సంక్రాంతికి విడుదల కానుంది. అయితే ఈ సినిమా సెట్టింగ్ వద్దకు వస్తున్న బన్ని అభిమానులు ఈ ‘క్యారవాన్’ను ఆసక్తిగా పరిశీలిస్తూ సెల్ఫీలు దిగుతున్నారు.