విమానంలో కల్లోలం!

(న్యూస్ ఆర్బిట్ డెస్క్)

ఆకాశంలో కల్లోల వాతావరణం ఎదుర్కొన్న ఒక విమానంలోని భయానక పరిస్థితులను ఒక ప్రయాణీకురాలు వీడియో తీశారు. ఇప్పుడు ఆ వీడియో వైరల్ అవుతోంది. గత ఆదివారం కోసావోలోని ప్రిస్టినా నగరం నుంచి స్విట్జర్లాండ్‌ వెళుతున్న ఎఎల్‌కె ఎయిర్‌లైన్స్ విమానంలో ఈ సంఘటన చోటు చేసుకున్నది.

స్విట్జర్లాండ్, బాసెల్ నగరంలో విమానం మరో 20 నిముషాల్లో దిగుతుందనగా దానికి పెనుగాలులు ఎదురయ్యాయి. ఫలితంగా విమానం చిగురుటాకులా ఊగిపోయింది. లోపల ఉన్న ప్రయాణీకులు భయంతో వణికిపోయారు. కొందరు కేకలు పెట్టారు. కొందరు దేవుడిని ప్రార్ధించారు.

ఒక ఎయిర్ హోస్టెస్ హఠాత్తుగా గాల్లోకి లేచి ఆమె తల విమానం కప్పుకు కొట్టుకోవడం వీడియోలో కనబడుతుంది. ఈ గందరగోళంలో చాలామందిపై వేడినీళ్లు, కాఫీ పడ్డాయి. వేడినీటి వల్ల కొందరికి చర్మం కాలింది. మిర్జేటా బాషా అనే మహిళ ఇదంతా వీడియో తీశారు. మొత్తం మీద పది మంది గాయపడ్డారు.

విమానం పైలట్ ముందే సమాచారం అందించడంతో అది కిందకు దిగే సమయానికి రన్‌వేపై అంబులెన్సులు సిద్ధంగా ఉంచారు. విమానం దిగగానే గాయపడిన వారికి చికిత్స అందించారు.

✈Boeing 737-300 авиакомпании ALK Airlines угодил в зону турбулентности: https://t.co/Xlyn30qp8K pic.twitter.com/xwSJVbfyBC

— Антон Беляков (@abeliakov) June 17, 2019

Siva Prasad

See Full Bio