యూనివ‌ర్స‌ల్ స్టార్ క‌మ‌ల్‌హాస‌న్‌తో క‌లిసి న‌టించాల‌నుకుంటున్నారా? అవును న‌ట‌న‌లో ఆస‌క్తి, కాస్త అనుభ‌వం ఉంటే ఆ అదృష్టం మీ సొంతం కావ‌చ్చు. `భార‌తీయుడు 2` సినిమాను నిర్మిస్తున్న నిర్మాణ సంస్థ లైకా ప్రొడ‌క్ష‌న్స్ న‌టీన‌టులు కావాలంటూ ప్ర‌క‌ట‌న ఇచ్చింది. మ‌హిళ‌లు, పురుషులు కావాల‌ని, ఎలాంటి వ‌యో ప‌రిమితి లేదంటూ పేర్కొంది. ఆస‌క్తి ఉన్న‌వారు, శిక్ష‌ణ పొందిన వారు [email protected] కు ప్రొఫైల్‌ను పంపాల‌ని సంస్థ కోరింది. క‌మ‌ల్ హాస‌న్‌, శంక‌ర్, లైకా ప్రొడ‌క్ష‌న్స్ కాంబినేష‌న్‌లో రూపొందుతోన్న చిత్రం `ఇండియ‌న్ 2`. క‌మ‌ల్‌హాస‌న్‌తో పాటు కాజ‌ల్ అగ‌ర్వాల్‌, ర‌కుల్ ప్రీత్ సింగ్ , సిద్ధార్థ్ త‌దిత‌రులు ఈ సినిమాలో న‌టిస్తుండ‌టం విశేషం. 1996లో బ్లాక్‌బ‌స్ట‌ర్ హిట్ అయిన భార‌తీయుడు సినిమాకు ఇది సీక్వెల్‌.