జగన్ను టార్గెట్ చేసి పాయింట్ భలే పట్టుకున్నారు…
సామ,భేద,దాన, దండోపాయాలు వినియోగించడంలో నారా వారి స్టైలే సెపరేట్. 2014 ఎన్నికల్లో టీడీపీ గెలవడం, వైసీపీ ఓడిపోవడం వెనుక బాబుగారు అస్త్రాలు అన్ని వదిలారు.జగన్మోహన్ రెడ్డి బలాలను బలహీనతలుగా మార్చడం… తనకు అనుకూలంగా ఉన్నవాటిని జనంలోకి తీసుకెళ్లే మీడియాతో నేలవిడిచి సాము చేసిన బాబుగారు అప్పుడు విజయం సాధించారు. అయితే తొమ్మిదేళ్ల బాబు పాలన, ఐదేళ్ల బాబు పాలనతో కంపేర్ చేసిన జనాలు ఆయనను ఛీకొట్టారు.
అయితే ఆయన మాత్రం జగన్ పాలన గురించి రోజూ ఫిర్యాదులే చేస్తారు. ఎక్కడా కూడా ఆయన జగన్మోహన్ రెడ్డి సర్కారును వదలరు. పైపెచ్చు అవినీతి అక్రమాలలో అరెస్టైన టీడీపీ నేతలను హీరోలుగా చిత్రీకరిస్తూ వారికి పూర్తి సంఘీభావం తెలుపుతారు. ఇక్కడ సబ్జెక్ట్ ఇది కాదు కానీ అసలు విషయానికి వస్తాం… ప్రతిపక్షనేత చంద్రబాబు సీఎం జగన్మోహన్ రెడ్డిని విమర్శించడానికి ఒక అస్త్రం విసిరారు.
అదేంటంటే… ఏపీలో కరోనా కేసులు అమాంతంగా పెరిగిపోతుంటే… సీఎం స్థాయిలో ఉన్న వ్యక్తి మాస్క్ పెట్టుకోకుంటే ఎలా అంటూ విమర్శలు గుప్పించారు. సీఎం అసమర్థత వల్లే కరోనా కేసులు పెరుగుతున్నాయన్నారు. జగన్మోహన్ రెడ్డే మాస్కు పెట్టుకోకుంటే జరిమానా విధించండం ఎంత వరకు సమంజసమన్నది బాబుగారి లాజిక్….ఏపీలో టెస్టులు ఎక్కువ చేస్తే చాలా పనికిరాకుండా పోయాయంటూ ఒక మీడియాలో పెద్ద ఎత్తున వార్తలు వస్తాయ్. వాస్తవానికి కరోనా అప్రమత్తతతో అప్పటికప్పుడు కష్టానికి దన్నుగా నిలవాలన్న అభిప్రాయం ఎవరికైనా ఉంటుంది. అధికారులు, వాలంటీర్లు తప్పులు చేసి ఉండొచ్చు. దేశ వ్యాప్తంగా కరోనాకు మందు మాస్క్, భౌతిక దూరం, చేతులు కడుక్కోవడం ఎలాగో… టెస్టింగ్ కూడా అలాగే… అలాంటి కరోనా విషయంలో విమర్శలు గుప్పించడాన్ని ఎవరూ విమర్శించరు. మంచిని మంచిగా… చెడును చెడుగా చెబితే సరిపోతుంది. కానీ ఇక్కడ తమకు నచ్చని విషయం దేన్నైనా చెడుగా చిత్రీకరించి… ప్రభుత్వంపై విమర్శలు గుప్పించాలన్న వర్షన్ జనాలకు అంతగా నచ్చదు.
వాస్తవానికి కరోనా నివారణకు మాస్క్ వాడాల్సిందేనంటూ ప్రభుత్వాలు జరిమానా అస్త్రాలను వదిలాయ్. అయితే సీఎం జగన్మోహన్ రెడ్డి మాస్క్ పెట్టుకోవడం లేదని… దాన్ని అందరూ పాటిస్తున్నారని రేపోమాపో టీడీపీ నేతలు ఒక పెద్ద విమర్శగా జనంలోకి తెచ్చిన ఆశ్చర్య పోవాల్సిన పనిలేదు. వంట చేసేవారికి ఏ కూరలిచ్చినా… తనకు నచ్చిన వంటే చేసే అలవాటు ఎలా ఉంటుందో… టీడీపీ వారికి కూడా అంతే… దేన్ని విమర్శించాలనుకున్నా అందుకు తగిన విధంగా వ్యాఖ్యానాలు చేసే టీం, మీడియా మేనేజ్మెంట్ రెండూ కూడా సిద్ధంగా ఉంటాయి కదా…