KGF 2: డైరెక్టర్ ప్రశాంత్ నీల్ దర్శకత్వంలో “కేజిఎఫ్ 2” ఏప్రిల్ 14 వ తారీకు రిలీజ్ కానున్న సంగతి తెలిసిందే. “కేజిఎఫ్” ఫస్ట్ పార్ట్ 2018 వ సంవత్సరంలో రిలీజ్ అయ్యి అన్ని చోట్ల భారీ విజయం సాధించడం జరిగింది. దీంతో వస్తున్నా “కేజిఎఫ్ 2″ పై బాలీవుడ్ మొదలుకొని సౌత్ ఫిలిం ఇండస్ట్రీ వరకు భారీ అంచనాలు నెలకొన్నాయి. ఇప్పటికే రిలీజ్ అయిన ట్రైలర్ అనేక రికార్డులు సృష్టించడం తెలిసిందే. యాష్ నీ మరింత స్టైలిష్ గా చూపించడంతో పాటు విలన్ పాత్రలో… సంజయ్ దత్ నీ అతి భయంకరంగా డైరెక్టర్ చూపించడంతో…”కేజిఎఫ్ 2” చూడటానికి సినిమా ప్రేమికులు భారీ ఇంట్రెస్ట్ చూపిస్తున్నారు.
“కేజిఎఫ్ 2” సినిమా దెబ్బకి తమిళ ఇండస్ట్రీలో విజయ్ “బీస్ట్” తో… భారీ పోటీ నెలకొంది. అడ్వాన్స్ బుకింగ్ లలో… రెండు సినిమాల మధ్య నువ్వానేనా అన్నట్టుగా వ్యాపారం జరుగుతుంది. ఇదిలా ఉంటే “కేజిఎఫ్ 2” సినిమా రిలీజ్ రోజునాడు ప్రభాస్ అభిమానులకు డైరెక్టర్ ప్రశాంత్ నీల్ సర్ప్రైజ్ ప్లాన్ చేసినట్లు సమాచారం. విషయంలోకి వెళితే ప్రభాస్ “రాధేశ్యాం” తర్వాత చేస్తున్న పాన్ ఇండియా ప్రాజెక్ట్ “సలార్”. ప్రశాంత్ నీల్ దర్శకత్వంలో తెరకెక్కుతున్న ఈ సినిమా మైనింగ్ మాఫియా నేపథ్యంలో కథ సాగుతోంది.
ఈ సినిమాకి సంబంధించి షూటింగ్ చాలా వరకు కంప్లీట్ అయింది. ఈ సినిమా అప్ డేట్ కోసం డార్లింగ్ ఫాన్స్ ఎప్పటి నుండో ఎదురు చూస్తున్నారు. ఇటువంటి తరుణంలో “కేజిఎఫ్ 2” రిలీజ్ అయ్యే అన్ని థియేటర్లలో “సలార్” ఫస్ట్ గ్లింప్స్ లేదా టీజర్ రిలీజ్ చేసే ఆలోచనలో ప్రశాంత్ నీల్ ఉన్నట్లు.. వార్తలు వస్తున్నాయి. కేజీఎఫ్ హై వోల్టేజ్ మాస్ భారీ బ్లాక్ బస్టర్ హిట్ కావడంతో..”కేజీఎఫ్ 2″ పై ఎన్ని అంచనాలు ఉన్నాయో దానికి డబుల్ త్రిబుల్ గా..”సలార్” పై ప్రభాస్ ఫ్యాన్స్ అంచనాలు పెట్టుకున్నారు. ప్రభాస్ సరసన ఈ సినిమాలో శృతి హాసన్ హీరోయిన్ గా చేస్తోంది.
