ఐకాన్ స్టార్ అల్లు అర్జున్ ఇమేజ్ గురించి మాట్లాడుకోవాల్సి వస్తే “పుష్ప” ముందు “పుష్ప” తర్వాత అని చెప్పాలి. “పుష్ప” సినిమా రాకముందు వరకు అల్లు అర్జున్ దక్షిణాదిలో మాత్రమే.. అది కూడా టాలీవుడ్ మరియు మలయాళం ఇండస్ట్రీలోనే క్రేజ్ ఉండేది. ఎప్పుడైతే సుకుమార్ దర్శకత్వంలో “పుష్ప” చేయటం జరిగిందో ప్రపంచవ్యాప్తంగా బన్నీకి క్రేజ్ ఏర్పడింది. దీంతో ఇప్పుడు “పుష్ప” సెకండ్ పార్ట్ కోసం వరల్డ్ వైడ్ గా సినీ ప్రేమికులు ఎదురుచూస్తున్నారు. పుష్ప మొదటి భాగం గత ఏడాది డిసెంబర్ మాసంలో రిలీజ్ అయ్యి.. తిరుగులేని విజయం సాధించింది.
మొదటి భాగంలో.. బన్నీ పలికిన డైలాగులు మేనరిజం ఇప్పటికీ కూడా సోషల్ మీడియాలో వైరల్ అవుతున్నాయి. దీంతో రెండో భాగం అంతకుమించి ఉండే విధంగా స్క్రిప్ట్ మొత్తం ఇటీవల సుకుమార్ చేంజ్ చేయటం జరిగింది అంట. తగ్గేదేలే.. మరికొంత కొత్త కొత్త మేనరిజమ్స్ ఆ తరహాలో.. సెకండ్ పార్ట్ లో ఉండేటట్లు సుకుమార్ స్క్రిప్ట్ రెడీ చేయడం జరిగిందట. ఇదే సమయంలో రెండో పార్ట్ లో బన్నీ చాలా డిఫరెంట్ లుక్ లో కనిపించనున్నట్లు సమాచారం.
అయితే సినిమాకి సంబంధించి షూటింగ్ లేటెస్ట్ గా ఇండస్ట్రీ నుండి అందుతున్న సమాచారం ప్రకారం ఆగస్టు మూడో వారం నుండి స్టార్ట్ చేయడానికి సినిమా యూనిట్ రెడీ అయింది అంట. ఈనెల మొత్తం తుఫానులు నేపథ్యంలో.. ఆగస్టు మూడో వారం నుండి రెగ్యులర్ షూటింగ్ చేయటానికి సుకుమార్ అదేవిధంగా బన్నీ డిసైడ్ అయినట్టు సమాచారం. షూటింగ్ 4 నెలలో కంప్లీట్ చేసి.. ఈసారి ఎక్కువ ఫోకస్ ప్రమోషన్ లపై పెట్టడానికి రెడీ అయినట్లు వార్తలు వస్తున్నాయి. “పుష్ప” ఫస్ట్ పార్ట్ కి.. ఎటువంటి ప్రమోషన్ చేయలేదు. కానీ కలెక్షన్స్ రికార్డు స్థాయిలో వచ్చాయి. దీంతో ఫస్ట్ భాగం కంటే రెండో భాగం మరిన్ని ఎక్కువ భాషలలో విడుదల చేయడానికి సన్నాహాలు చేస్తున్నారు.