Pawan Kalyan : పవర్ స్టార్ పవన్ కళ్యాణ్ వరుసపెట్టి సినిమాలు ప్రస్తుతం చేస్తున్న సంగతి తెలిసిందే. ఒకపక్క రాజకీయాలు చేస్తూనే మరోపక్క సినిమారంగంలో దూసుకుపోతున్నారు. దాదాపు రెండు సంవత్సరాలు గ్యాప్ రావడంతో.. అభిమానులకు ఫుల్ మీల్స్ ఈ ఏడాది అందించడానికి..ఏకంగా రెండు మూడు సినిమాలు రిలీజ్ చేయడానికి పవన్ రెడీ అవుతున్నట్లు టాక్. ఈ క్రమంలో కంబ్యాక్ మూవీ “వకీల్ సాబ్” సినిమా షూటింగ్ ఆల్ రెడీ కంప్లీట్ అవ్వడం జరిగింది. మరోపక్క రానా తో చేస్తున్న మల్టీ స్టారర్ సినిమా కూడా పవన్ లైన్ లో పెట్టడం జరిగింది.
ఇప్పటికే ఈ సినిమాకి సంబంధించిన షూటింగ్ స్టార్ట్ అవటమే కాక చాలా శరవేగంగా సాగుతున్నట్లు ఇండస్ట్రీలో వార్తలు సోషల్ మీడియాలో షూటింగ్ కి సంబంధించిన ఫోటోలు రిలీజ్ అవుతున్నాయి. మరోపక్క క్రిష్ సినిమా పనులు కూడా శరవేగంగా సాగుతున్నాయి. ఇలాంటి తరుణంలో ఇండస్ట్రీ టాప్ డైరెక్టర్ పూరి జగన్నాథ్.. సౌత్ ఇండియా లోనే ఒక పెద్ద స్టార్ హీరో తో సినిమా చేయాలని స్క్రిప్ట్ రెడీ చేసుకోగా దానిని… పవన్ తో చేయటానికి ఆలోచన చేస్తున్నట్లు ఇటీవల ఒక వార్త సోషల్ మీడియాలో వైరల్ అవుతోంది.
పొలిటికల్ గా హీరో ఇందులో కనపడతాడు అని, కరెక్ట్ గా పవన్ కళ్యాణ్ కి సరిపోతుందని ముందుగా ఆయనతో చేయటానికి పూరి రెడీ అవుతున్నాడు అనే టాక్ ప్రస్తుతం ఇండస్ట్రీ లో వినపడుతోంది. త్వరలోనే పవన్ కళ్యాణ్ కి పూరి జగన్నాథ్ ఈ స్టోరీ వినిపించ బోతున్నట్లు… అంతా ఓకే అయితే ఈ ఏడాది చివరిలో సినిమా స్టార్ట్ అయ్యి వచ్చే వేసవిలో.. సినిమా రిలీజ్ అయ్యే అవకాశం ఉన్నట్లు సరికొత్త వార్త ఇండస్ట్రీ వర్గాల లో వినపడుతోంది.