Krishna Mukunda Murari: నన్ను ఏమైనా అన్నా పర్వాలేదు మురారి. నాకు నీ ప్రేమ కావాలని ముకుందా మురారితో అంటుంది. అందుకోసం ఎన్ని అవమానాలు అయినా భరిస్తాను. ఆదర్శ్ ఆచూకీ తెలిసింది అనగానే ముకుందా షాక్ అయ్యి మురారిని చూస్తూ ఉంటుంది. మురారి ముకుంద ముఖంలో ఆశ్చర్యం భయం చూడగానే ఈ మాట చెబితేనే నువ్వు ఆదర్శ్ కలిసి ఉంటారు అని చెప్పి అనుకుంటాడు. అందుకే మురారి కావాలనే ఆదర్శ్ అతి త్వరలోనే వస్తున్నాడని ముకుందతో అబద్ధం చెబుతాడు. ఆ మాటకి ముకుందా షాక్ అవుతుంది. కాసేపటికి ముకుందా చేరుకొని ఆదర్శ్ వచ్చినా కూడా నేను తనని భర్తగా ఊహించుకోలేను. నాకు భర్త అంటే ఎప్పటికీ నువ్వే.. నా భర్త స్థానంలో నిన్ను తప్ప ఇంకెవరిని ఊహించుకోలేనని ముకుందా మురారితో చెప్పి అక్కడ నుంచి వెళ్ళిపోతుంది.
కృష్ణ క్యాంప్ లో ఒంటరిగా కూర్చొని మురారి తో తనకి ఉన్న జ్ఞాపకాలను గుర్తు చేసుకుని బాధపడుతూ ఉంటుంది. గుండెల్లో బోలెడన్ని జ్ఞాపకాలు కానీ గుప్పెడంత గుండెలో అవన్నీ ఏమీ లేవన్నట్టు బాధపడుతూ బ్రతికేయలే అని కృష్ణ లో లోపల మదన పడుతూ ఉంటుంది. ఎక్కడ చూసినా ఎటు చూసినా మురారినే కనిపించడంతో కృష్ణ మురారి ప్రేమతో ఊపిరి బిక్కిరి అవుతూ ఉంటుంది. ఏంటి ఎసిపి సర్ ఒంటరిగా కూడా నన్ను ఉండనివ్వరా, మీ ఆలోచనలతో మీరే కనిపిస్తూ నన్ను ఇలా బాధిస్తూనే ఉంటారా.. కృష్ణ కూల్ అని తనకి తాను సముదాయించుకుని ఒకవేళ ఏసీబీ సారే నీ కళ్ళ ముందు కనిపించినా కూడా నువ్వు మౌనంగా ఉండాలి. ఏ తనకేనా బెట్టు.. నీకు పెట్టు లేదా అని తనని తను సముదాయించుకొని తనకు తాను సర్ది చెప్పుకుంటుంది కృష్ణ.
మురారి క్యాంప్ కి వెళ్తున్నాడు అని తెలుసుకున్న ముకుంద మురారి వెళ్తున్న దారిలో టేక్ డైవర్షన్ బోర్డులను పెట్టి తను ఉన్న ప్లేస్ కి వచ్చేలాగా చేసుకుంటుంది. ఇక అక్కడి వచ్చి అక్కడి నుంచి కూడా వెళ్లిపోబోతుండగా ముకుందా మురారి కారుకి అడ్డుపడి తనని ఆపుతుంది. నువ్వు నాకు చెప్పిన అబద్ధపు నిజం గురించి నీకు క్లారిటీ ఇవ్వాలని ఇక్కడికి వచ్చాను అని మురారితో ముకుందా అంటుంది. ఆదర్శ్ ఎప్పటికీ ఇంటికి తిరిగి రాడు, ఎందుకంటే ఆదర్శ్ కి మనిద్దరం ప్రేమించుకుందాం అని తెలుసు, మన ఇద్దరికీ పెళ్లి కాకముందు ఆ ఇంటికే నేను కోడలు అవుతున్నానని ఆదర్శ్నే నేను పెళ్లి చేసుకుంటున్నానని నీకు నాకు తెలియదు. అలాంటప్పుడు మనిద్దరం ఆ విషయంలో తప్పు చేయలేదు. మనం మన విషయాన్నీ ఇంటిలో చెప్పి పెళ్లి చేసుకుందామని ముకుందా అంటుంది. ఈ టైంలో ఇవన్నీ జరుగుతాయని అనుకుంటున్నావా ముకుంద.. మన పెద్దమ్మతో చెబితే ఇప్పుడు ఎలాంటి నిర్ణయం తీసుకుంటుందో నీకు తెలుసా అని మురారి ముకుందతో అంటాడు. ఇద్దరి మధ్య ఓ రేంజ్ లో వాదోపవాదనలు జరుగుతూ ఉంటాయి. ముకుంద ప్లీజ్ ఇప్పుడు ఇవన్నీ కాదు నేను క్యాంపుకు వెళ్లాలి లేట్ అయితే ఊరుకోరు అని మురారి అంటాడు. మురారి వెళ్ళిపోబోతుండగా ముకుందా మురారి అని పిలిచి ఒక్క విషయం.. ఎప్పటికైనా నేను నీ దానిని ఎప్పటికైనా నువ్వు నా వాడివే అని ముకుందా స్ట్రాంగ్ గా చెబుతుంది.
కృష్ణ దగ్గరకు వచ్చి మేడం మేడం ఎవరో పోలీస్ ఆఫీసర్ కి యాక్సిడెంట్ అయింది అని చెప్పగానే కృష్ణ పరుగు పరుగున వెళ్లి చూస్తుంది. ఆ యాక్సిడెంట్ అయింది మురారికా అని కృష్ణ కంగారు పడుతుంది. అక్కడ ఉంది మురారి కాదు ఎవరో అని తెలిశాక కృష్ణ ఊపిరి పీల్చుకుని.. తనని చెక్ చేసి లోపలికి తీసుకు రమ్మంటుంది.
మరోవైపు మురారి కృష్ణ కోసం కావాలని చెప్పి కమిషనర్ ని రిక్వెస్ట్ చేసి మరి తను ఉంటున్న ఆ క్యాంపులోకి కావాలని డ్యూటీ వేయించుకుంటాడు. ఏయ్ మురారి కృష్ణ నిన్ను ఏమని పిలుస్తుంది తనలో తానే అనుకుంటారు. అయినా ఇక్కడికి వచ్చిన దేనికి కృష్ణ కోసం తనే తనంతట తాను నాకోసం రావాలి అది నేను చూడాలి అని మురారి మనసులో అనుకుంటాడు. కృష్ణ ఎవరినో చూసి ఏసిపి సార్ అని పిలుస్తుంది. తను మురారి కాదని తెలిసి సైలెంట్ గా ఉంటుంది. ఇక మురారినే ఎదురుగా వచ్చిన నిలబడిన కూడా కృష్ణ పక్కకు వెళ్ళిపోతుంది. మురారి చెయ్యి పెట్టి ఆపుతాడు. కృష్ణ కళ్ళల్లో ఆనందం ఒక్కసారిగా మురారి గమనిస్తాడు. ఇక మురారి వేసిన ప్లాన్ వర్కౌట్ అవుతుందా లేదా అనేది చూడాలి.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!