వేడివేడిగా ఓ కప్పు కాఫీ తాగితే టెన్షన్ అంతా ఉఫ్.. రోజుకు ఒక కప్పు కాఫీ ఆరోగ్యానికి మంచిది కూడా.. కాఫీలో ఉండే కెఫెన్ మన ఆరోగ్యానికి ఎంతో మేలు చేస్తుంది.. టెన్షన్, ఒత్తిడి, అలసటను దూరం చేస్తుంది.. మానసిక ప్రశాంతతను అందిస్తుంది.. రెగ్యులర్ గా తాగే కాఫీ బోర్ కొట్టిందా.!? అయితే కాస్త డిఫరెంట్ గా కాఫీ మిల్క్ షేక్ తయారు చేసుకుని తాగండి చాలా బాగుంటుంది.. ఎలా తయారు చేసుకోవాలో ఇప్పుడు చూద్దాం.
కాఫీ మిల్క్ షేక్ తయారీ విధానం..
కావలసిన పదార్థాలు:
ఇన్స్టెంట్ కాఫీ ఒకటిన్నర చెంచా, పాలు రెండు కప్పులు, నీళ్లు పావు కప్పు, పంచదార నాలుగు చెంచాలు, వెనీలా ఐస్ క్రీమ్ ఆరు స్కూప్స్, ఐస్ క్యూబ్స్ నాలుగు.
ముందుగా బ్లెండర్ జార్లో ఇనిస్టెంట్ కాఫీ పొడి నీళ్లు పంచదార వేసి బాగా బ్లెండ్ చేయాలి. ఇప్పుడు అందులో చిక్కగా ఉండే ఫుల్ క్రీం మిల్క్ పోసి మిశ్రమం లేత రంగు వచ్చేవరకు మరొకసారి బ్లెండ్ చేయాలి.. ఇప్పుడు చివరిగా ఐస్ క్యూబ్స్ రెండు వెనీలా ఐప్స్ స్కూప్స్ వేసి మరోసారి కలపాలి..
ఇలా తయారు చేసుకున్న ఈ కాఫీ ని ఒక గాజు గ్లాసులోకి తీసుకోవాలి అందులో ఈ మిశ్రమాన్ని ఒంపుకున్న తర్వాత పైన ఐస్ క్రీం స్కూప్ వేస్తే కాఫీ మిల్క్ షేక్ రెడీ.. ఈ కాఫీ తాగడం వల్ల శరీరానికి కావాల్సిన ఎనర్జీ అందుతుంది. ఇందులో కేలరీలు, ఫ్యాట్ ఎక్కువగా ఉంటాయి. ఈ కాఫీ టైప్ 2 డయాబెటిస్ రిస్క్ ను తగ్గిస్తుందని పలు అధ్యయనాలలో తేలింది. అలాగే ఈ కాఫీతో మన మూడ్ కూడా చేంజ్ అవుతుంది..