Immunity: మన ఆరోగ్యానికి రోగ నిరోధక శక్తి చాలా అవసరం.. దగ్గు, జలుబు, జ్వరం లాంటి ఎటువంటి అనారోగ్య సమస్యలు అయినా సరే రోగనిరోధకశక్తి ఉంటే సులభంగా ఎదుర్కొనవచ్చు. అదే ఇమ్యూనిటీ శక్తి బలహీనంగా ఉంటే శరీరం నిరసిస్తుంది. అనేక రకాల అనారోగ్య సమస్యలు ఎదురవుతాయి. మనం తినే కొన్ని ఆహార పదార్థాలు కూడా రోగనిరోధక శక్తిని తగ్గిస్తాయి.. ఏం ఏం పదార్థాలు తింటే రోగ నిరోధక శక్తి బలహీనమవుతుందో ఇప్పుడు తెలుసుకుందాం..!!
* శరీరంలో ఉప్పు శాతం పెరిగితే అనేక ఆరోగ్య సమస్యలు బాధిస్తాయి. రక్తపోటు పెరిగి రోగనిరోధకశక్తిని తగ్గిస్తుంది. దీంతో మూత్ర సంబంధిత సమస్యలు వస్తాయి. కాబట్టి ఉప్పు తక్కువగా తీసుకోవాలని ఆరోగ్య నిపుణులు సూచిస్తున్నారు. అలాగే చిప్స్, బేకరీ పదార్థాలలో కూడా ఎక్కువగా ఉప్పు ఉపయోగిస్తారు. అటువంటి పదార్థాలను ఎక్కువగా తీసుకోకపోవడమే మంచిది.
*మితంగా కాఫీ తాగితే ఆరోగ్యానికి మంచిదే. అదే ఎక్కువగా తాగడం వలన అందులోని కెఫిన్ నిద్రకు ఆటంకం కలిగిస్తుంది. దీనివలన కూడా రోగ నిరోధక శక్తి బలహీనమవుతుంది.
*బంగాళాదుంప చిప్స్, ఫ్రెంచ్ ఫ్రైస్, చికెన్ ఫ్రైడ్ రైస్ వంటి పదార్థాలలో చక్కెరతో పాటు కొవ్వు కూడా అధికంగా ఉంటుంది. నూనెను వేయించిన పదార్థాలు, ఫాస్ట్ ఫుడ్స్ ఎక్కువగా తినకూడదు.
*పంచదార ఎక్కువగా ఉండే పదార్థాలను ఎక్కువగా తింటే శరీరంలో చక్కెర శాతం పెరిగి రోగనిరోధక శక్తి తగ్గుతుంది. గ్లిసమిక్ ఇండెక్స్ ఎక్కువగా స్వీట్స్, కూల్ డ్రింక్స్ లాంటివి తీసుకోవద్దని సూచిస్తున్నారు.
*ఆల్కహాల్ ఎక్కువగా తాగితే రోగనిరోధక శక్తి బాగా తగ్గుతుందని ఫలితంగా అనారోగ్య సమస్యలు పెరుగుతాయని వైద్యనిపుణులు హెచ్చరిస్తున్నారు. ఆల్కహాల్కు దూరంగా ఉండాలని సూచిస్తున్నారు.