రే చీకటి గురించి చాలా మందికి. తెలిసే ఉంటుంది.ఎందుకంటే చాలా సినిమాల్లో రేచీకటి గురించి కామెడీగా చూపిస్తారు కాబట్టి రేచీకటి అంటే ఏంటో అందరికి తెలుసు.ఇటీవల వచ్చిన ఎఫ్ 3 సినిమాలో వెంకటేష్ కూడా రేచీకటి వ్యక్తి పాత్రలో నటించి మంచి హాస్యాన్ని పండించాడు అనే చెప్పాలి. నిజానికి రేచీకటి అంటే ఏంటో తెలుసా.. అసలు ఈ రే చీకటి ఎందుకు వస్తుంది.? అనే విషయాలు ఇప్పుడు తెలుసుకుందాం.
రేచీకటి అంటే ఏమిటంటే..?
పగలు కనిపిస్తూ రాత్రి సమయానికి అనగా అంటే చీకటి పడిన సమయానికి వెలుతురులో ఉన్నా కూడా అంతా చీకటిగా ఉంటుంది. ఈ వ్యాధినే రే చీకటి అని పిలుస్తారు. నిజానికి రేచీకటి అనే వ్యాధి ఆహారంలో విటమిన్ ఏ లోపం కారణంగా వస్తుంది. ఈ వ్యాధిలో ప్రధానంగా కంట్లోని తెల్లపొర అనేది ప్రకాశిస్తూ ఉండకుండా పొడి ఆరిపోయినట్లుగా కనిపిస్తుంది.అలాగే కంటి గ్రుడ్డు మీద తెల్లని మచ్చలు కూడా ఉంటాయి.
కళ్ళు కనబడకపోవడం :
ఈ వ్యాధితో బాధపడే వాళ్ళు వెలుతురులో ఉన్నా మసక మసకగా అనిపిస్తు ఉండడం వలన వస్తువులను సరిగా చూడలేకపోతారు. ఈ రేచీకటిని ఇంకా అశ్రద్ధ చేస్తే పూర్తి అంధత్వం వచ్చే అవకాశం ఉంది. రేచీకటి వ్యాధి నుంచి మిమ్మల్ని మీరు కాపాడుకోవాలంటే విటమిన్ ఎ ఎక్కువగా ఉన్న ఆహార పదార్ధాలను తినాలి.
విటమిన్ ఏ కలిగిన ఆహార పదార్ధాలు :
బొప్పాయి, కారట్, కోడిగ్రుడ్డు, తాజా ఆకుకూరలు, పాలు మొదలైన ఆహార పదార్ధాలలో విటమిన్ ఏ సమృద్ధిగా ఉంటుంది.అలాగే చిన్న పిల్లల్ని రేచీకటి బారినుండి రక్షించడానికి గాను 9 నెలల వయసు నుండి 3 సంవత్సరాల వయస్సు వచ్చే వరకు ప్రతి 6 నెలలకు ఒకసారి విటమిన్ ఏ ద్రావణం నోటిద్వారా తప్పకుండా వేపించాలి.
