తెలంగాణ కాంగ్రెస్ పార్టీలో వీహెచ్ వ్యవహారం గత కొంత కాలం నుండి సంచలనంగా ఉందన్న సంగతి తెలిసిందే. పీసీసీ చీఫ్ విషయంలో కాంగ్రెస్ హైకమాండ్ వ్యవహరిస్తున్న తీరుపై పరోక్ష వ్యాఖ్యలు ఛానల్ ఇంటర్వ్యూలలో చేస్తూ తెలంగాణ రాజకీయాలను కాక పుట్టిస్తున్న వీహెచ్ తాజాగా కేసీఆర్ ని ప్రశంసించడం అందరికీ ఒక్కసారిగా షాక్ ఇచ్చినట్లు అయింది.
మేటర్ లోకి వెళ్తే ఇటీవల లోయర్ ట్యాంక్ బండ్ దగ్గర నిర్వహించిన మున్నూరు కాపు అసోసియేషన్ సమావేశంలో వి హనుమంత రావు మాట్లాడారు. ఈ సందర్భంగా రాష్ట్రంలో వెనుకబడిన తరగతుల వర్గాలకు కేసీఆర్ సర్కార్ అద్భుతమైన సేవలు అందిస్తున్నట్లు ప్రశంసల వర్షం కురిపించారు. కేసిఆర్ చేస్తున్నట్లుగా గతంలో మరియు ముఖ్యమంత్రి బీసీల కోసం ఈ రీతిలో కష్ట పడలేదని పేర్కొన్నారు.
అంత మాత్రమే కాక టిఆర్ఎస్ పార్టీలో ఉన్నత పదవులను బీసీలకు ఇవ్వటం చాలా అభినందించదగ్గ విషయం అంటూ విహెచ్ వేసిన డైలాగ్ ఇండైరెక్టుగా కాంగ్రెస్ పార్టీకి తగిలినట్లు విశ్లేషకులు వ్యాఖ్యానిస్తున్నారు. ఇప్పటికే రేవంత్ రెడ్డి పీసీసీ చీఫ్ అనే టాక్ వస్తున్న క్రమంలో.. ఆయన ఆ పదవి చేపడితే ఖచ్చితంగా పార్టీ నుండి బయటకు వచేస్తానంటూ విహెచ్ మొన్న హైకమాండ్ ని హెచ్చరించారు. ఈ క్రమంలో టిఆర్ఎస్ పార్టీ ని పొగుడుతూ కామెంట్ చేయడం తెలంగాణ రాజకీయ వర్గాల్లో విహెచ్ కామెంట్లు పెద్ద చర్చనీయాంశంగా మారాయి.