Ys Jagan : తెలుగు ప్రజలకు కమెడియన్ ఆలీ పేరు తెలియని వారు ఉండరు. చిన్ననాటినుండే సినిమా రంగంలోకి అడుగుపెట్టిన ఆలీ స్వయం టాలెంటుతో వెయ్యికి పైగా సినిమాలు చేసి అనేక రికార్డులు సృష్టించడం జరిగింది. వెండితెరపై అదేవిధంగా బుల్లితెరపై కూడా రాణిస్తున్న ఆలీ హీరోగా కూడా సినిమాలు చేయటం మనకందరికీ తెలిసిందే. రాజకీయాలలో అనేక పార్టీలకు సపోర్ట్ చేసిన ఆలీ.. 2019 ఎన్నికల నుండి వైసీపీకి సపోర్ట్ చేస్తూ వస్తున్నారు. జగన్ పాదయాత్ర సమయంలో అదేవిధంగా ఎన్నికల ప్రచారంలో వైసీపీ మద్దతు తెలిపిన ఆలీ .. తాజాగా మున్సిపల్ ఎన్నికల నేపథ్యంలో విజయవాడ పశ్చిమ నియోజకవర్గం లో వైసిపి కార్పొరేటర్ అభ్యర్థులకు మద్దతు తెలపడానికి ప్రచారంలో బిజీబిజీగా గడుపుతున్నారు. ఈ సందర్భంగా వైయస్ జగన్ Ys Jagan ని అదే విధంగా దివంగత వైయస్ రాజశేఖర్ రెడ్డి ని పొగడ్తలతో ముంచెత్తారు.
సింహం ఎప్పుడు సింగల్ గానే వస్తుంది అంటూ ప్రసంగం స్టార్ట్ చేసిన ఆలీ ఆ జగన్మోహన్ వైయస్ జగన్మోహన్ రెడ్డి అని పేర్కొన్నారు. రాష్ట్రంలో ఒక సామాజిక వర్గం అని కాకుండా అన్ని వర్గాలకు సమన్యాయం చేస్తున్నారని, సామాన్య మైనారిటీ మహిళలకు కూడా ఎమ్మెల్సీ టికెట్ ఇచ్చి మరి ప్రోత్సహిస్తున్నారని స్పష్టం చేశారు. విజయవాడ అభివృద్ధిపై ప్రత్యర్థి పార్టీల నాయకులు దుష్ప్రచారం చేస్తున్నారు.., అలాంటి వ్యాఖ్యలు ఎవరూ పట్టించుకోవద్దు అభివృద్ధి వైఎస్ జగన్ తోనే సాధ్యమని స్పష్టం చేశారు. ప్రజలకు ఇచ్చిన ప్రతి హామీని నెరవేర్చిన ఏకైక ముఖ్యమంత్రి వైయస్ జగన్ అని అన్నారు. అప్పట్లో దివంగత వై.ఎస్ పరిపాలన మాదిరిగానే జగన్ పాలన కూడా అదే రీతిలో ఉందని ఆనందం వ్యక్తం చేశారు. జరగబోయే ఎన్నికలలో రాష్ట్రంలో జరుగుతున్న సంక్షేమ పథకాలు అదే విధంగా అభివృద్ధి బట్టి ఓటు వేయాలని ఆలీ పిలుపునిచ్చారు.