Beet Root: ఇంట్లోనే బీట్ రూట్ మొక్కలను ఎలా పెంచుకోవాలో 10 సింపుల్ స్టెప్స్ లో చూపించిన స్వాతి

Beet Root crop in your home garden
Share

Beet Root: బెంగుళూరు నగరానికి చెందిన స్వాతి.. దాదాపు రెండు వందల రకాల కూరగాయలను ఆమె ఇంట్లోనే పెంచుతోంది. యూట్యూబ్ లో ‘బ్యాక్ యార్డ్ గార్డెనింగ్’ ఛానల్ లో ప్రకృతి సహజ సిద్ధమైన బీట్ రూట్ ను ఇంట్లో ఎలా పెంచుకోవాలో నేర్చుకుందాం. 2017 లో యూట్యూబ్ వీడియో ఛానల్ స్టార్ట్ చేసిన స్వాతి కి ప్రస్తుతం 95,000 subscribers ఉన్నారు. 

 

Beet Root crop in your home garden

ఇంట్లోనే రెండు వందల రకాల చెట్లను ఎలా పెంచాలో ఆమె వివరిస్తూ ఎన్నో వీడియోలు చేసిన స్వాతి తాజాగా ఇంట్లోనే బీట్ రూట్ ను ఎలా పెంచాలి… దీన్ని ఎలా కాపాడుకోవాలనే విషయంపై చిన్న ట్యుటోరియల్ ఇచ్చారు.

మనం మార్కెట్లో లేదా వెజిటేబుల్ షాప్స్ లో కొన్ని తాజా రకమైన బీట్రూట్స్ ని ఇంట్లోనే ఎలా పెంచుకోవాలంటే…

Beet Root: దీనికి అవసరమైనవి

ఒక బీట్ రూట్ 

ఒక గాజు గిన్నె 

నీళ్లు 

మట్టితో నిండిన కుండ 

ఒక బీరా

10 Steps to grow beetroot

1. ముందుగా మన దగ్గర ఉన్న బీట్ రూట్ పైన ఎండిన ఆకులను తీసేయాలి

2. దాని తర్వాత ఆ పై భాగంలో కొంచెం కట్ చేయాలి

3. ఇప్పుడు ఆ బీట్ రూట్ ముక్కని ఒక గాజు గిన్నెలో వేసి నీళ్లతో నింపాలి. ఈ సమయంలో లో బీట్ రూట్ పూర్తిగా మునగకుండా జాగ్రత్తగా చూసుకోవాలి లేకపోతే అది కుళ్ళిపోయే ప్రమాదం ఉంది

4. దీనిని మన వంటగదిలో లేకపోతే కిటికీ పక్కన నేరుగా ఎండ తగలకుండా పెట్టాలి

5. దాదాపు మూడు నాలుగు రోజుల్లోనే అందులో నుండి తాజా ఆకులు మొలవడం గమనించవచ్చు.

6. రోజు మార్చి రోజు అందులోని నీటిని మారుస్తూ ఉండాలి. 15వ రోజుకి ఆకులు పూర్తిస్థాయిలో పెరుగుతాయి. అప్పుడు దానిని మట్టి తో నిండిన కుండ లోనికి మార్చేయాలి.

7. ఇప్పుడు దానికి సమృద్ధిగా నీరు పోస్తూ కొద్దిగా ఎండ తగిలేలా పెడుతూ ఉంటే మరొక మూడు నాలుగు నెలల్లో పువ్వులు పూయడం మొదలుపెడతాయి. ఇలా వచ్చిన పువ్వులను, కొమ్మలను ఎండలో ఎండబెట్టి ఆ తర్వాత అలాగే ఉంచితే… అందులోని విత్తనాలు చలి కాలం నాటికి వృద్ధిచెందుతాయి.

8. ఈ విత్తనాలను మట్టిలో ఒకదానికి మరొకటి ఇంచు దూరంలో నాటాలి. ఆ విత్తనాలు మట్టితో కప్పిపెట్టి తరచుగా నీరు పోస్తూ ఉండాలి. 

9. 24 రోజుల్లో ఆ విత్తనాల నుండి మొలకలు పెరగడం మనం గమనించవచ్చు. 

10. ఆ తర్వాత ఆ విత్తనాలు మొలకెత్తి… తర్వాత వాటిని తీసి మన ఇంటి గార్డెన్ లో నాటాలి. వారానికి ఒకసారి నీరు పోస్తూ దగ్గరలో దొరికే ఎరువులు వాడుతూ ఉంటే 90 రోజుల్లో తాజా బీట్ రూట్ మన చేతికి వస్తుంది.


Share

Related posts

మరో పెళ్లి కోసం.. ముగ్గురు పిల్లలు పుట్టాక భార్య నల్లగా ఉందంటూ వంక..!

Special Bureau

ఎమ్మెల్సీ సునీతను రెడ్ హ్యాండెడ్ గా పట్టేసిన టిడిపి! అది ఎలాగంటే ?

Yandamuri

Sreemukhi : చెఫ్ గా మారిన శ్రీముఖి? గోవాకు వెళ్లి మరీ.. ఎవరికోసం వంట వండిందో తెలుసా?

Varun G