బిగ్ బాస్ హౌస్ లో కంటెస్టెంట్ గా అడుగుపెట్టిన సోహెల్ అంతకుముందు పలు సినిమాలలో నటించడం జరిగింది. ప్రస్తుతం రన్ అవుతున్న సీజన్ ఫోర్ లో ఉన్నది ఉన్నట్టు ముక్కుసూటిగా మాట్లాడటం లో, అదేవిధంగా ఉన్నది ఉన్నట్టు ఏ విషయంలో అయినా ఎక్కడికక్కడ తేల్చుకోవటం లో ముందు ఉంటాడు సోహెల్. జెన్యూన్ గా గేమ్ ఆడటమే కాకుండా ఫెయిర్ గా ఇంట్లో ఉండేది సోహెల్ అని చాలామంది బయట ఆడియన్స్ కూడా చెప్పుకొస్తున్నారు.
ఫ్రెండ్షిప్ విషయంలోగానీ ఇంకా ఏదైనా సందర్భాలలో ఒక ఆవేశం మినహా మిగతా అన్ని కోణాలలో సోహెల్ హౌస్ లో 100 కి 100% న్యాయం చేస్తున్నాడు అని చెప్పుకొస్తున్నారు. సింగరేణి ముద్దుబిడ్డ గా హౌస్ లో అడుగుపెట్టిన సోహెల్.. కచ్చితంగా టాప్ ఫై లోకి వెళ్లడమే కాకుండా టైటిల్ విన్నర్ అవటం గ్యారెంటీ అని మరికొంతమంది పేర్కొంటున్నారు.
ఇదిలా ఉండగా ఇంకా రెండు వారాలు ఆట మాత్రమే మిగిలి ఉండటంతో సోషల్ మీడియాలో సోహైల్ ఆర్మీ సరికొత్త నినాదంతో దూసుకుపోతుంది. తెలంగాణ రాష్ట్రంలో కథ వేరేగా ఉంటది అనే డైలాగ్ సోహెల్ హౌస్ లోకి వచ్చాక బాగా పాపులర్ అయ్యిందని దాన్ని ఆధారం చేసుకుని బరాబర్ అనే డైలాగుతో “హైదరాబాద్ సికింద్రాబాద్ సోహెల్ జిందాబాద్” అనే నినాదం తో సోషల్ మీడియాలో క్యాంపెయిన్ చేస్తున్నారు. ఏది ఏమైనా గేమ్ చివరి దశకు చేరుకోవటంతో.. హౌస్ లో ఉన్న కంటెస్టెంట్ లో మద్దతుదారులు సోషల్ మీడియాలో ప్రచారం చాలా గట్టిగా చేస్తున్నారు.