‘సింహ’, ‘లెజెండ్’ సినిమాలతో బాలయ్యకు రెండు భారీ హిట్స్ ఇచ్చాడు మాస్ డైరెక్టర్ బోయపాటి శ్రీను. ఆ తర్వాత మరో సినిమా చేసి హ్యాట్రిక్ హిట్ కొట్టాలనుకున్నప్పటికి కుదరలేదు. మళ్ళీ ఇన్నాళ్ళకి ఈ కాంబినేషన్ లో హ్యాట్రిక్ సినిమా తయారవబోతుంది. ఇప్పటికే కొంత టాకీ పార్ట్ కంప్లీట్ చేసుకున్న బాలయ్య, బోయపాటి శ్రీను ల సినిమా గురించి తాజాగా ఒక న్యూస్ బయటకి వచ్చింది. ఈ న్యూస్ ఇప్పుడు చాలా క్రేజీ న్యూస్ గా మారింది.
ఈ సినిమాలో బాలయ్య అసిస్టెంట్ పాత్ర ఒకటి ఉందట. అసిస్టెంట్ రోల్ అయినప్పటికి ప్లాష్ బ్యాక్ లో వచ్చే ఈ రోల్ ఎంతో కీలకంగా ఉంటుందని సమాచారం. అంతేకాదు ఈ రోల్ తో మంచి ఫన్ జనరేట్ అవుతుందని తెలుస్తోంది. అందుకే ఫేమ్ ఉన్న హీరో అయితే సినిమాకి బాగా కలిసి వస్తుందన్న ఉద్దేశ్యంతో ఈ రోల్ కోసం అల్లరి నరేష్ ను తీసుకోవాలని బోయపాటి బృందం అనుకుంటు సమాచారం. బాలయ్య సినిమాలో పాత్ర చేయడానికి అల్లరి నరేష్ ఒప్పుకుంటాడా లేదా చూడాలి. ఇప్పటికే అల్లరి నరేష్ ఒకవైపు హీరోగా చేస్తూనే మరోవైపు మంచి క్యారెక్టర్ ని పోషిస్తున్నాడు. సన్నగా కరెంట్ తీగలా ఉండే నరేష్ తన కామెడీ టైమింగ్ తో ప్రేక్షకులను కడుబ్బా నవ్వించి పిచ్చెక్కిస్తాడు.
ఇక ఈ సినిమాతో ఓ కొత్త హీరోయిన్ ను పరిచయం చేయబోతున్నామని బోయపాటి రీసెంట్ గా ఇచ్చిన ఇంటర్వ్యూలో తెలిపారు. మిర్యాల రవీందర్ రెడ్డి నిర్మించనుండగా తమన్ సంగీతమందిస్తున్నాడు. ఇక అల్లరి నరేష్ ప్రస్తుతం నాంది అన్న సినిమా చేస్తున్నాడు. మొదటిసారి ఈ సినిమాతో పెద్ద ప్రయోగం చేస్తున్నాడు. ఇప్పటికే ఈ సినిమా నుంచి రిలీజైన పోస్టర్ సినిమా మీద బాగానే బజ్ క్రియోట్ చేసింది. అలాగే విలన్ పాత్ర కోసం సోనూసూద్ ని ఎంచుకున్నట్టు ఇటీవల వార్తలు వచ్చాయి. కాని ఇందుకు సంబంధించిన అధికారక ప్రకటన ఇంకా రాలేదు.