Teenagers and Social media: ఈ కాలం లో సోషల్ మీడియా వలన ఎంత ఉపయోగం ఉందో అన్ని నష్టాలు ఉన్నాయన్న విషయం అందరికి తెలిసిందే. Teenagers and Social media సోషల్ మీడియా లో ఎక్కువ సేపు గడపడం వలన రక రకాల సమస్యలు వస్తాయని, వాటివలన మనిషి మానసిక ఆరోగ్యం పై ప్రతికూల ప్రభావం పడుతుందని అనేక పరిశోధనలలో బయట పడింది. అయితే, ఎంతో దూరంగా గా ఉన్న ఫ్రెండ్స్ , కుటుంబ సభ్యులతో కమ్యూనికేట్ అవ్వడానికి, ఎప్పటికప్పడు అప్డేట్గా ఉండటానికి సోషల్ మీడియా ఎంతగానో ఉపయోగపడుతున్నకూడా ఇది వ్యక్తులలో ఒంటరితనం, డిప్రెషన్కుగురిచేస్తుంది. అనేక మందిలో నిద్ర లేమికి కారణమవుతుందని ఇప్పటికే జరిగిన అనేక అధ్యయనాలు తెలియచేస్తున్నాయి.
కొత్తగా ‘అసోసియేషన్ ఆఫ్ స్క్రీన్ టైమ్ అండ్ డిప్రెషన్ ఇన్ అడోల్సెంట్’ అనే అంశం పై సోషల్ మీడియా లో ఎక్కువ సమయం గడుపుతున్న ఏడవ తరగతి విద్యార్థుల పై శాస్త్రవేత్తలు పరిశోధన చేశారు. దీనిలో ఆసక్తికర విషయాలు బయట పడ్డాయి. పరిశీలనలో భాగంగా తెలిసింది ఏమిటంటే.. ప్రతి గంటకు వారిలో డిప్రెసివ్ లక్షణాలు గణనీయంగా పెరిగాయని ఈ అధ్యయనం తెలిపింది. అంతేకాక, వారిలో విచారం, ఒంటరితనం, నిస్సహాయత వంటి అనేక లక్షణాలుకనబడ్డాయి. అయితే, డిప్రెషన్కు సోషల్ మీడియా ప్రధాన కారణమని అధ్యయనం లో నేరుగా నిర్ధారించనప్పటికీ, కౌమార దశలో ఉన్న పిల్లల్లో సోషల్ మీడియా వాడకాన్ని ఖచ్చితం గా నియంత్రించాలని మాత్రం హెచ్చరించింది .
- కౌమారం లో వచ్చే శారీరక, మానసిక మార్పులను గమనించి వాటికీ సంబందించిన అవగాహన పిల్లలకి పెంచాలి .
- కౌమార దశలో అడుగుపెడుతున్న పిల్లలను తల్లిండ్రులు, ఇతర కుటుంబ సభ్యులు, ఉపాధ్యాయులు, గమనిస్తుండాలి.
- పిల్లలతో స్నేహంగా ఉంటూ , ప్రేమగా లాలనగా వారి సందేహాలను తీరుస్తూ , వారిలో కలిగే భయాన్ని పోగొట్టాలి.
- ఆ వయసులో అవగాహన లేకపోవడం వల్ల తొందరపాటు చర్యలకు పాల్పడుతుంటారు.కాబటి జాగ్రత్త అవసరం.
- వారి దగ్గర ఫోన్ ఉన్నప్పుడు ఎలాంటి వీడియోలు, చిత్రాలు చూస్తున్నారో కనిపెడుతూ ఉండాలి.
- కుటుంబ సభ్యులు పిల్లల తో ఎక్కువ సమయం గడిపేలా ప్లాన్ చేసుకోవాలి .
- పిల్లలు ఎలాంటి సందేహాలు అయినా తీర్చుకునే స్వేచ్ఛ ను కుటుంబ సభ్యులు కల్పించాలి.
- పిల్లలకు శారీరక, మానసిక ఎదుగుదలపై స్కూల్స్ లో టీచర్లు కూడా అవగాహన కల్పించేందుకు ప్రయత్నం చేయాలి.