Warts: పులిపిరి కాయల సమస్య ఎక్కువ మందిలో చూస్తూ ఉంటాం.. ఇది హ్యుమన్ పాపిలోమా అనే వైరస్ వలన పులిపిరి కాయలు వస్తాయి.. వీటినే ఉలిపిరి కాయలని కూడా అంటారు.. ఇంగ్లిష్ లో వార్ట్స్ అంటారు. ఇవి ఎక్కువగా ముఖం, మెడ, చేతులు, పాదాల పై వస్తుంటాయి. కొన్ని చర్మంలో కలిసిపోతాయి. అవి నొప్పిగా అనిపించవు. అయితే కొన్ని దురద పుడుతుంటాయి. పులిపిరి కాయలను చికిత్స ద్వారా తగ్గించుకోవచ్చు.. అయితే అది ఖర్చు తో కూడుకున్నది.. మన ఇంట్లో లభించే వస్తువులతోనే పులిపిరి కాయలకు చెక్ పెట్టవచ్చు.. అదెలాగో ఇప్పుడు తెలుసుకుందాం..!!
అవిస గింజలు పులిపిర్ల ను తొలగించడంలో చక్కగా ఉపయోగపడతాయి. ఇందుకోసం అవిసగింజల నూనెలో అవిస గింజలు పేస్టును, తేనె లో కలిపి పులిపిర్లు ఉన్నచోట రాయాలి. దానిపై చిన్న బ్యాండేజీ కట్టి సాయంత్రం వరకు ఇలానే ఉంచాలి. ఇలా వరుసగా కొన్ని రోజులు చేయడం వలన పులిపిర్లు వాటంతట అవే రాలిపోతాయి. పైనాపిల్ కూడా పులిపిరి కాయలు త్వరగా రాలిపోతాయి. అంజీర పండు రసం రాసిన పులిపిర్లు రాలిపోతాయి. లేదంటే అంజీర పండు చెట్టు నుంచి కింద పడగానే పాలు వస్తాయి. ఇలా రాసిన పులిపిర్లు రాలిపోతాయి. వెల్లుల్లిని దంచి ఆ పేస్టుని పులిపిరుల పైన రాస్తే చక్కటి ఫలితం ఉంటుంది.
ఉల్లిపాయ రసం లో కొంచెం రాళ్ల ఉప్పు కలిపి దానిని దూది లో ఉంచి పులిపుర్లు ఉన్నచోట రోజుకు రెండు, మూడు సార్లు రాయాలి. ఇలా చేసినా కూడా ఫలితం ఉంటుంది. లేదంటే వెనిగర్ లో ఉల్లిపాయ ముక్కలు వేసి నానబెట్టి తర్వాత రోజు ఉదయం ఉల్లి ముక్కలతో పులిపిర్ల పై రుద్దాలి. వరుసగా కొన్ని రోజులు ఇలా చేస్తే పులిపిర్లు రాలిపోతాయి. ఒక స్పూన్ కొబ్బరి నూనె లో అర స్పూన్ బేకింగ్ సోడా, రెండు కర్పూరం బిళ్ళలు కలిపి మెత్తని మిశ్రమంలా చేసుకోవాలి. దీనిని పులిపిరి లో ఉన్న చోట రాస్తే రెండు మూడు వారాల్లో చక్కటి ఫలితం కనిపిస్తుంది. ఉసిరి కాయ రసం తీసి దానిని పులిపిరి కాయలు ఉన్న చోట రాస్తే త్వరగా మానిపోతాయి. అరటికాయ తొక్కను ముక్కలుగా కట్ చేసి పులిపిరి ఉన్నచోట పెట్టి బాండేజ్ వేయాలి. ఇలా చేసినా కూడా పులిపిర్లు త్వరగా తగ్గుతాయి. ఆముదం కూడా పులిపిరి కాయలకు అద్భుతంగా చెక్ పెడుతుంది. వీటిలో మీ ఇంట్లో అందుబాటులో ఉన్న వస్తువులతో ఈ చిట్కాలలో ఏదో ఒకటి పాటించండి. పులిపిర్లు త్వరగా తగ్గిపోతాయి.