Break fast: చాలా మంది చేసే పెద్ద తప్పు ఏమిటంటే రక రకాల కారణాలు చెప్పి బ్రేక్ ఫాస్ట్ తినటం మానేస్తుంటారు.ఇంకొందరు డైట్ చేస్తున్నాం బ్రేక్ ఫాస్ట్ తినకపోవడం వలన బరువు తగ్గుతాము అనే అపోహలో ఉంటారు అది చాలా పెద్ద పొరపాటని నిపుణులు తెలియచేస్తున్నారు. మీరు ఆరోగ్యవంతమైన బరువు తగ్గాలి అనుకుంటే మాత్రం కచ్చితం గా మార్నింగ్ బ్రేక్ ఫాస్ట్ చేసి తీరాలి అని అంటున్నారు.
మార్నింగ్ బ్రేక్ ఫాస్ట్ చేయకపోతే రక్తంలో చక్కెర, ఇన్సులిన్ స్థాయిలలో హెచ్చుతగ్గులు రావటం జరుగుతుంది. చాలా కాలం పాటు బ్రేక్ ఫాస్ట్ తీసుకోకుండా ఉంటే, టైప్2 డయాబెటిస్ , హై బిపి వంటి వాటి నుంచి తప్పించుకునే ఛాన్స్ ఉండదు. ఇంట్లో సమయానికి తిని వెళ్లకపోవటం వల్ల బయట కనపడిన ఆహారం మీదకు మనసు వెళ్ళిపోతుంది. అలా బయటతినటానికి అలవాటు పడితే చాలా త్వరగా బరువు పెరగటం తో పాటు బయట వాడే నూనెలతో రకరకాల అనారోగ్య సమస్యలు కలిగే ప్రమాదం ఉంది.ఒకవేళ ఏదైనా కారణం తో ఎప్పుడైనా బ్రేక్ ఫాస్ట్ తినటం కుదరనప్పుడు నీళ్లు ఎక్కువగా తాగడం, క్యారెట్లూ, కీరదోస ముక్కల వంటివి తినేలా చూసుకోవాలి. బాదం, ఎండుద్రాక్ష, జీడిపప్పూ,ఖర్జూరాలు వంటివి ఎప్పుడు బ్యాగ్ లో ఉంచుకోవాలి. బ్రేక్ ఫాస్ట్ తినటం కుదరనప్పుడు వాటిని తింటే శక్తి వస్తుంది. లేదంటే ఆకలి వల్ల మెదడు పని తీరు తగ్గిపోయి కోపం రావటం తో పాటు పనిమీద ఏకాగ్రత తగ్గి , ఆ ప్రభావం రోజంతా ఉంటుంది.
అలాగే బ్రేక్ ఫాస్ట్ లో ఆకుకూరలను ఉపయోగించి వెరయిటీస్ చేసుకుతింటే ఆరోగ్యానికి చాలా మంచిది. జ్యూస్‌లు తాగకుండా వాటికీ బదులుగా పండ్లు తినటం అలవాటు చేసుకోవాలి. పండ్లు సలాడ్స్‌ రూపంలో తీసుకుంటే మంచి ప్రయోజనం ఉంటుంది. ఆకలితో ఉండకుండా కొద్ది కొద్దిగా ఎక్కువసార్లు తిన్న పర్వాలేదు కానీ ఒకేసారి ఎక్కువగా ఆహారం తీసుకోక పోవటం మంచిది.
