Bindu Madhavi: బుల్లితెర‌పై సూప‌ర్ హిట్ అయిన బిగ్గెస్ట్ రియాలిటీ షో బిగ్బాస్.. ఇప్పుడు ఓటీటీలో సంద‌డి చేస్తున్న సంగ‌తి తెలిసిందే. డిస్నీ ప్ల‌స్ హాట్‌స్టార్‌లో ఇటీవ‌లె `బిగ్బాస్ నాన్‌స్టాప్‌` పేరుతో ప్రారంభ‌మైన ఈ షో 24/7 ప్రేక్ష‌కుల‌ను ఎంట‌ర్‌టైన్ చేస్తోంది. ఓటీటీ బిగ్‌బాస్‌లో 17 మంది కంటెస్టెంట్స్ హౌస్‌లోకి ఎంట్రీ ఇవ్వ‌గా.. అందులో తెలుగ‌మ్మాయి బిందు మాధ‌వి కూడా ఒక‌రు.
చిత్తూరు జిల్లా మదనపల్లెలో జ‌న్మించిన బిందు.. `ఆవకాయ్ బిర్యానీ` మూవీతో సినీ కెరీర్ ప్రారంభించింది. ఆ త‌ర్వాత తెలుగులో పెద్ద‌గా ఆఫ‌ర్లు లేక‌పోవ‌డం వ‌ల్ల కోలీవుడ్‌పై ఫోక‌స్ పెట్టిన ఈ బ్యూటీ.. న‌టిగా అక్క‌డ బాగానే గుర్తింపు సంపాదించుకుంది. ఇక లాంగ్ గ్యాప్ త‌ర్వాత తెలుగు వారికి మ‌ళ్లీ ద‌గ్గ‌ర‌వ్వ‌డం కోసం బిందు `బిగ్బాస్ నాన్‌స్టాప్‌`లోకి అడుగు పెట్టింది.
ప్ర‌స్తుతం హౌస్‌లో త‌న‌దైన స్ట్రాట‌జీతో దూసుకుపోతున్న బిందు.. తాజా ఎపిసోడ్‌లో త‌న సాడ్ ల‌వ్‌స్టోరీ గురించి చెప్పుకొచ్చింది. `కాలేజ్ టైంలో ప్రేమించుకున్నాము.. కానీ త‌ను చదువుల కోసం యూఎస్ వెళ్లిపోయాడు. నేను సినీ రంగంలోకి వచ్చేశాను. అలా కెరీర్ కోసం ప్రేమ‌ను వ‌దులుకోవాల్సి వ‌చ్చిందంటూ` బిందు చెప్పుకొచ్చింది.
ఇక బ్రేకప్ అయి డిప్రెషన్‌లో ఉన్న సమయంలోనే తమిళ బిగ్ బాస్ ఆఫర్ వ‌చ్చింద‌నీ తెలిపిl బిందు మాధ‌వి.. ఆ షో నుంచి బయటకు వచ్చేసరికి డిప్రెషన్‌ నుంచి బయటపడ్డ‌నంటూ వివ‌రించింది. మొత్తానికి బిందు మాట‌లు చూస్తుంటే.. ఆమె ఎంత బాధ‌ను లోప‌ల దాచుకుందో స్ప‌ష్టంగా అర్థ‌మ‌వుతోంది.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!