Devatha Serial: దేవి ని చూడటానికి హోలీ సంబరాలకు వచ్చిన ఆదిత్యకు.. మాధవ్ చేతిలో ఘోరంగా అవమానం జరుగుతుంది.. అది చూసిన రాధ అందరూ వెళ్ళిపోయిన తర్వాత ఆదిత్య దగ్గరకు వచ్చి.. ఎందుకు పెనిమిటి ఇలా బిడ్డ దగ్గరికి వచ్చి అందరి చేత మాటలు పడి బాధపడతావు అని అంటుంది.. అక్కడ ఇంట్లో ఒక్కడినే దేవిని తలుచుకుని బాధపడటం కంటే.. ఇక్కడకు వచ్చి తనను చూస్తేనే బాగుంటుంది అని అంటాడు..!
మాధవ్ నన్ను అన్నందుకు కూడా నాకు బాధగా లేదు.. నన్ను చూసి చిరాకు పడుతుంది. ఒకప్పుడు మాధవ్ ను ఎదిరించి నా దగ్గరకు వచ్చేది. ఇప్పుడు నన్ను చూస్తేనే అసహ్యించుకుంటుంది. ఇలా దేవిని, నిన్ను, ఇంట్లో అందర్నీ బాధపెట్టటం కంటే ఎక్కడికైనా దూరంగా వెళ్లి పోతే బాగుండు అని అంటాడు ఆదిత్య. రాధా ఏడుస్తూ నువ్వు అలాంటి నిర్ణయం తీసుకోవద్దు పెనిమిటి.. నాకు కొంచెం సమయం ఇవ్వు.. నేనే ఏదో ఒకటి చేసి దేవిని నీకు దగ్గర చేస్తాను. అప్పటివరకు నువ్వు ఎలాంటి నిర్ణయం తీసుకోవద్దు పెనిమిటి అని చెప్పి అక్కడి నుంచి వెళ్ళిపోతుంది రాధ.
రాధా దారిలో నడుస్తూ ఉండగా మాధవ్ వచ్చి కారులో ఎక్కించుకుని ఇంటికి తీసుకు వెళ్తాడు. ఇక ఆ రోజంతా ఆలోచించుకుని రాధా ఓ నిర్ణయం తీసుకుంటుంది. ఆదిత్య దగ్గరకు వచ్చి దేవిని నీకు ఇచ్చే చేయడానికి నాకు ఇష్టమే. నీ దగ్గరే దేవిని ఉంచుకో. దేవిని నేను నీకు ఇవ్వాలి అంటే.. ఒక చిన్న కండిషన్ పెనిమిటి.. నువ్వు దేవికి తండ్రి అని.. దేవి నీకు కన్న బిడ్డని.. దేవికి ఎప్పటికీ తెలియకూడదు. అలా దేవిని తెలియనివ్వనని నాకు మాట ఇవ్వమని ఆదిత్య ను అడుగుతుంది రాధ. మరి ఆదిత్య ఎలాంటి నిర్ణయం తీసుకుంటాడో తరువాయి భాగంలో తెలుసుకుందాం.