Animal: “అర్జున్ రెడ్డి” సినిమాతో ఓవర్ నైట్ లోనే సందీప్ రెడ్డి వంగా స్టార్ డైరెక్టర్ అయిపోయాడు. ఈ సినిమా హీరో విజయ్ దేవరకొండకి కూడా ఊహించని క్రేజ్ తీసుకురావడం జరిగింది. 2017లో విడుదలైన “అర్జున్ రెడ్డి” తెలుగు చలనచిత్ర రంగంలో సంచలనం సృష్టించింది. ఈ సినిమా సృష్టించిన సునామీకి మహేష్ రామ్ చరణ్ లాంటి అగ్ర హీరోలు త్వరలో సందీప్ రెడ్డితో సినిమా చేయడానికి రెడీగా ఉన్నట్లు ప్రకటనలు చేశారు. అయితే రెండో సినిమా సందీప్ బాలీవుడ్ ఇండస్ట్రీలో అర్జున్ రెడ్డిని రీమేక్ గా చేసి అక్కడ కూడా తన సత్తా చాటారు. వరుసపరాజయాలలో ఉన్న షాహిద్ కపూర్ ని హీరోగా చూపెడుతూ “కబీర్ సింగ్” గా రీమేక్ చేసి అనేక రికార్డులు క్రియేట్ చేయడం జరిగింది.
ఇప్పుడు బాలీవుడ్ స్టార్ హీరో రణబీర్ కపూర్ తో “యానిమల్” అనే సినిమా చేయడం జరిగింది. డిసెంబర్ మొదటి తారీకు.. తెలుగు, తమిళ్, మలయాళం, కన్నడ, హిందీ భాషల్లో విడుదల కాబోతోంది. రిలీజ్ తేదీ దగ్గర పడుతున్న నేపథ్యంలో యానిమల్ సినిమా ప్రమోషన్ కార్యక్రమాలు భారీ ఎత్తున దేశవ్యాప్తంగా జరుగుతున్నాయి. కొద్ది రోజుల క్రితం బాలకృష్ణ హోస్ట్ గా చేస్తున్న “అన్ స్టాపబుల్” షోలో కూడా పాల్గొనడం జరిగింది. ఈ సందర్భంగా సినిమాకి సంబంధించి అనేక విషయాలు డైరెక్టర్ సందీప్ రెడ్డి వంగా తెలియజేశారు. చాక్లెట్ లవర్ బాయ్ లాంటి రణబీర్ కపూర్ నీ చాలా వైలెంట్ గా చూపించడం జరిగింది.
తండ్రి కొడుకుల ఎమోషనల్ కథతో రివెంజ్ డ్రామాగా యానిమల్ సినిమా తీసినట్లు ట్రైలర్ బట్టి తెలుస్తోంది. అయితే ఈ సినిమాకి యానిమల్ అనే టైటిల్ ఎందుకు పెట్టాల్సి వచ్చిందో ఇటీవల ఇంటర్వ్యూలో డైరెక్టర్ సందీప్ రెడ్డి తెలిపారు. జంతువులు పనిచేసే ముందు ఆలోచించవు. ఏది అనిపిస్తే అది చేస్తాయి. మా సినిమాలో హీరో పాత్ర కూడా ఆ రకంగానే ఉంటుంది. అందుకే యానిమల్ అనే టైటిల్ పెట్టడం జరిగింది. ఈ సినిమాలో రణబీర్ కపూర్ తండ్రిగా అనిల్ కపూర్ నటించారు. బాబీ డియోల్ విలన్ పాత్రలో నటించడం జరిగింది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!