Sai Pallavi: సాయి పల్లవి.. ఈ పేరుకు కొత్త‌గా ప‌రిచ‌యాలు అవ‌స‌రం లేదు. ప్రేమమ్ అనే మ‌ల‌యాళ చిత్రంతో సినీ రంగ‌ప్ర‌వేశం చేసిన ఈ ముద్దుగుమ్మ.. వ‌రుణ్ తేజ్ హీరోగా శేఖర్ కమ్ముల ద‌ర్శ‌క‌త్వంలో వ‌చ్చిన `ఫిదా` సినిమాతో తెలుగు ఇండ‌స్ట్రీలోకి అడుగు పెట్టింది. ఈ చిత్రం మంచి విజ‌యం సాధించ‌డంతో సాయి ప‌ల్ల‌వికి సూప‌ర్ క్రేజ్ ద‌క్కింది. ఆ త‌ర్వాత వ‌రుస సినిమాలు చేస్తూ త‌న‌దైన అందం, అభిన‌యం, న‌ట‌న‌తో స్టార్ స్టేట‌స్‌ను ద‌క్కించుకుంది.
అందాల ఆర‌బోత‌కు ఆమ‌డ దూరంలో ఉండే ఈ భామ.. తాను ఏ పాత్ర‌కు ఒప్పుకున్నా ప్రాణం పెట్టి న‌టిస్తుంది. అందుకే అన‌తి కాలంలోనే టాలీవుడ్ టాప్ హీరోయిన్స్ లిస్ట్‌లో ఒక‌రిగా స్థానాన్ని సంపాదించుకుంది. అంతా బాగానే ఉన్నా సాయి ప‌ల్ల‌వికి మాత్రం ఒకే ఒక్క మైన‌స్ ఉంది. అదేంటంటే.. ఎవ‌రి మాట విన‌క‌పోవ‌డం.
పైకి ఎంతో సున్నితంగా క‌నిపించే సాయి పల్లవి.. సినిమా స్టార్ట్ అయిందంటే చాలు అంద‌రితోనూ గొడవలు పెట్టేసుకుంటుంద‌ని, ఎవ‌రెన్ని చెప్పినా అస్స‌లు విన‌ద‌ని టాక్ ఉంది. గ‌తంలో ఈ విష‌యాన్నే హీరో నాగ శౌర్య సైతం ఓపెన్‌గా చెప్పేశాడు. అంతేకాదు, సాయి ప‌ల్ల‌వికి ఉన్న యాటిట్యూడ్‌ కి బ‌డా నిర్మాత‌లు సైతం ఆమెతో సినిమాలు చేసేందుకు భ‌య‌ప‌డ‌తార‌ని గుస‌గుస‌లు వినిపిస్తున్నాయి. మ‌రి ఇందులో ఎంత వ‌ర‌కు నిజ‌మో వాళ్ల‌కే తెలియాలి.
కాగా, సాయి పల్లవి సినిమాల విష‌యానికి వ‌స్తే.. ఇటీవ‌ల ల‌వ్ స్టోరి, శ్యామ్ సింగ‌రాయ్ చిత్రాల‌తో ప్రేక్ష‌కుల‌ను ప‌ల‌క‌రించింది. నాగ చైత‌న్య, శేఖర్ కమ్ముల కాంబినేష‌న్‌లో వ‌చ్చిన ల‌వ్ స్టోరీ చిత్రం మంచి విజ‌యం సాధించింది. అలాగే నాని హీరోగా తెర‌కెక్కిన శ్యామ్ సింగ‌రాయ్ సైతం ప్రేక్ష‌కుల‌ను బాగానే ఆక‌ట్టుకోవ‌డంతో.. సాయి పల్లవి ఖాతాలో వ‌రుస‌గా డ‌బుల్ హిట్స్ ప‌డ్డాయి. ఇక ప్ర‌స్తుతం ఈ బ్యూటీ న‌టించిన విరాట పర్వం చిత్రం విడుద‌ల‌కు సిద్ధంగా ఉంది.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!