పటాస్ సినిమాతో దర్శకుడిగా మంచి నేమ్ తెచ్చుకున్న అనిల్ రావిపూడి, ఆ తరువాత కూడా వరసగా బ్యాక్ టూ బ్యాక్ హ్యాట్రిక్ హిట్ అందకున్నాడు. వెంకటేష్, వరుణ్ తేజ్‌తో తెరకెక్కించిన ఎఫ్ 2 సినిమా సంక్రాంతి కానుకగా రిలీజై బాక్సాఫీస్ వద్ద కాసుల వర్షం కురిపిస్తుంది. ఈ సినిమాకు పోటిగా స్టార్ హీరోల సినిమాలు రిలీజ్ అయినా ఎఫ్ 2నే అందరిని ఆకట్టుకుంటుంది. ఇప్పటి వరకు ఈ మూవీ వరల్డ్ వైడ్‌గా 100 కోట్లు గ్రాస్ రాబట్టింది.
ఫ్యామిలి ఆడియన్స్ తో పాటు యూత్‌ని కూడా ఆకట్టుకుంటున్న ఈ మూవీలో కామెడీకి ప్రేక్ష‌కులు పొట్ట‌చెక్క‌ల‌య్యేలా న‌వ్వుతున్నారు. అందుకే ఆడియన్స్ ఈ మూవీని మళ్లీ మళ్లీ చూస్తున్నారు. అనుకున్నదానికి కన్నా పెద్ద హిట్ కావడంతో చిత్రటీమ్ హ్యాపీగా ఉన్నారు. కేవలం పాతిక కోట్ల ప్రీ-రిలీజ్ బిజినెస్ చేసిన ‘ఎఫ్2’ వంద కోట్ల గ్రాస్ రాబట్టడంతో చిత్ర యూనిట్ అంతా హ్యాపీగా ఉన్నారు. ఎంతో మంది స్టార్స్ తో సినిమాలు చేసినా రాని ప్రాఫిట్ ని ఎఫ్2 సినిమా తీసుకురావడం విశేషం. ఎఫ్2 వంద కోట్ల షేర్ గురించి అఫీషియల్ గా అనౌన్స్ చేయడానికి చిత్ర యూనిట్ ప్రెస్ మీట్ ఏర్పాటు చేసింది, ఈ సందర్భంగా మాట్లాడిన ప్రతి ఒక్కరూ సినిమా హిట్ చేసిన ప్రేక్షకులకి ధన్యవాదాలు తెలియజేశారు.