Munawar Faruqui: ప్రపంచవ్యాప్తంగా టెలివిజన్ షోలలో బిగ్ బాస్ రియాల్టీ షోకి మంచి క్రేజ్ ఉన్న సంగతి తెలిసిందే. ఇండియాలో మొట్టమొదట హిందీలో బిగ్ బాస్ షో స్టార్ట్ అయ్యింది. ఆ తర్వాత ఒక ఐదు సంవత్సరాల క్రితం మిగతా భాషలలో ప్రారంభమయింది. ప్రజెంట్ హిందీలో బిగ్ బాస్ సీజన్ 17 సాగింది. దాదాపు మూడు నెలల క్రితం ప్రారంభమైన ఈ షో… ఉత్కంఠ భరితంగా సాగింది. జనవరి 28వ తారీకు ఈ షో కి సంబంధించి గ్రాండ్ ఫినాలే జరిగింది. బిగ్ బాస్ సీజన్ సెవెన్ లో టాప్5 ఫైనలిస్టులుగా మన్నారా చోప్రా, మునావర్ ఫరూఖీ, అంకితా లోఖండే, అభిషేక్ కుమార్, అరుణ్ మాశెట్టి నిలిచారు.
అయితే వీరందరిలో టైటిల్ యంగ్ కమెడియన్ మునావర్ ఫరూఖీ వరించింది. దీంతో బిగ్ బాస్ ట్రోఫీతో పాటు 50 లక్షల ప్రైజ్ మనీని హోస్ట్ సల్మాన్ ఖాన్ బహుకరించడం జరిగింది. 107 రోజులపాటు సాగిన 17వ సీజన్ ఊహించని మలుపులతో… వీక్షకులను ఎంతగానో ఆకట్టుకుంది. స్టార్టింగ్ లో 17 మంది తర్వాత వైల్డ్ కార్డు రూపంలో నలుగురు మొత్తం 21 మంది సీజన్ 17 టైటిల్ కోసం పోటీపడ్డారు. కానీ చివర ఆఖరికి మునావర్ ఫరూఖీ టైటిల్ గెలవడం జరిగింది. ఈ సీజన్ 17 లో టాలీవుడ్ హీరోయిన్ ప్రియాంక చోప్రా సోదరి మన్నారా చోప్రా కూడా… కంటెస్టెంట్ గా నిలిచారు. టాప్ ఫైవ్ లోకి వచ్చినా గాని ఆమె గెలవలేకపోయింది. మూడో స్థానంతో సరిపెట్టుకుంది. రెండో స్థానంలో అభిషేక్, నాలుగో స్థానంలో అంకిత నిలిచారు.
ఈ సీజన్ లో హైదరాబాద్ కి చెందిన ప్రముఖ యూట్యూబ్ అరుణ్ శ్రీకాంత్ కూడా మంచి ఆటతో అందరి హృదయాలను దోచుకున్నాడు. కానీ బయట పెద్దగా ఫాలోయింగ్ లేకపోవడంతో 5వ స్థానంతో సరిపెట్టుకున్నాడు. యధావిధిగా హిందీ బిగ్ బాస్ సీజన్ 17లో అనేక గొడవలు బిగ్ బాస్ ఇచ్చిన ట్విస్ట్ లు వీక్షకులను ఎంతగానో ఆకట్టుకున్నాయి.