Shanmukh Jaswanth: ప్రముఖ యూట్యూబర్ బిగ్ బాస్ ఫేమ్ షణ్ముక్ ఇటీవల గంజాయి కేసులో అరెస్టు కావడం తెలిసిందే. షణ్ముక్ అన్న సంపత్ కేసు విషయమై ఇంటిలో సోదాలు చేయడానికి పోలీసులు వెళ్లగా.. అక్కడ గంజాయి తీసుకుంటూ పోలీసులకు అడ్డంగా షణ్ముక్ దొరికిపోయాడు. 18 గ్రాములు గంజాయిని స్వాధీనం చేసుకున్నారు. అంతేకాకుండా షణ్ముక్ కి వైద్య పరీక్షలు నిర్వహించగా… అతడు గంజాయి సేవించాడని నిర్ధారణ కావడంతో.. అరెస్టు చేయడం జరిగింది. షణ్ముక్ నీ అరెస్టు చేసిన క్రమంలో తీసిన వీడియోలతో డిప్రెషన్ లో ఉండటంతో డ్రగ్స్ తీసుకుంటున్నట్లు ఆత్మహత్య కూడా చేసుకుందామనుకున్నానని ఏడ్చుకుంటూ చెప్పాడు. ఈ వీడియో వైరల్ కావటంతో నేటిజన్లు అంత షాక్ అయ్యారు.
షణ్ముక్ ఎందుకు డిప్రెషన్ కి లోనయ్యాడు.. ఎంతో పాపులారిటీ ఉన్నాగాని ఈ రకంగా ఎందుకు ప్రవర్తిస్తున్నాడు ఎవరికి అర్థం కావడం లేదు. అయితే అతను డిప్రెషన్ లోకి వెళ్ళటానికి ప్రధాన కారణం దీప్తి సునైన అని కొందరు భావిస్తున్నారు. యూట్యూబ్ లో కెరియర్ ప్రారంభంలో వీరిద్దరూ.. అనేక ఆల్బమ్స్ చేయడం జరిగింది. ఆ సమయంలోనే ఇద్దరు ప్రేమించుకుని తమ వ్యక్తిగత విషయాలు కూడా సోషల్ మీడియాలో పంచుకున్నారు. అయితే షణ్ముక్ బిగ్ బాస్ షోలో పాల్గొన్నాక.. ఆ సీజన్ లో తోటి కంటెస్టెంట్ సిరితో.. బాగా క్లోజ్ అయ్యాడు. ఇద్దరు ఒకరి పట్ల మరొకరు చాలా పాజిటివ్ గా ఉండేవారు. ఒకపక్క బయట దీప్తితో రిలేషన్ ఉంటూ హౌస్ లో సిరితో షణ్ముక్ క్లోజ్ కావటం జరిగింది. దీంతో దీప్తి..షణ్ముక్ కి బ్రేకప్ చెప్పడం జరిగింది.
బిగ్ బాస్ గొడవలతో దూరమైపోయిన ఈ జంట తిరిగి కలవాలని చాలామంది ఫాలోవర్స్ కోరుకున్నారు. కానీ అప్పటినుండి ఇద్దరూ ఎవరికి వారు తమ కెరియర్లు చూసుకుంటున్నారు. పరిస్థితి ఇలా ఉంటే తాజాగా షణ్ముక్ అరెస్టుపై సిరీ స్పందించింది. హౌస్ నుండి బయటకు వచ్చాక ఇద్దరిపై ట్రోలింగ్ జరిగింది. ఆ సమయంలో రూమర్స్ ఎంతో బాధపెట్టాయి. అయితే ఆ డిప్రెషన్ నుండి నేను త్వరగానే బయటపడ్డాను అని సిరి పేర్కొన్నారు. షణ్ముక్ పర్సనల్ లైఫ్ ఇలా అవుతుందని అసలు ఊహించలేదు. షణ్ముక్ ప్రేమ విఫలం కావడంతో.. అతనితో మాట్లాడటం కరెక్ట్ కాదని అనిపించింది.. అని సిరి చెప్పుకొచ్చింది.