Sreeleela: శ్రీలీల.. ఈ యంగ్ బ్యూటీ గురించి ప‌రిచ‌యాలు అవ‌స‌రం లేదు. దర్శకేంద్రుడు రాఘవేంద్ర రావు దర్శకత్వ పర్యవేక్షణలో వచ్చిన `పెళ్లి సందD` సినిమాతో తెలుగు ఇండ‌స్ట్రీలోకి అడుగు పెట్టిన శ్రీలీల.. మొద‌టి చిత్రంతోనే యూత్‌లో సూప‌ర్ క్రేజ్‌ను ద‌క్కించుకుంది. దీంతో ప్ర‌స్తుతం శ్రీ‌లీల‌కు ఆఫ‌ర్లు వెల్లువెత్తుతున్నాయి.
ఇప్ప‌టికే రవి తేజ హీరోగా నక్కిన త్రినాధరావు దర్శకత్వంలో వస్తున్న `ధమాకా` సినిమాలో హీరోయిన్ గా ఖ‌రారు అయిన శ్రీలీల.. మ‌రోవైపు నవీన్ పోలిశెట్టితో ఓ సినిమా చేయ‌నుంది. అయితే తాజాగా ఈ బ్యూటీ ఓ స్టార్ హీరో మూవీలో న‌టించే బంప‌ర్ ఛాన్స్ కొట్టేసింద‌ని వార్త‌లు వ‌స్తున్నాయి. ఇంత‌కీ ఆ స్టార్ హీరో ఎవ‌రో కాదు.. టాలీవుడ్ ప్రిన్స్ మహేష్ బాబు.
ప్ర‌స్తుతం ప‌రుశురామ్ డైరెక్ష‌న్‌లో `స‌ర్కారు వారి పాట` సినిమా చేస్తున్న మహేష్.. త‌న త‌దుప‌రి చిత్రాన్ని మాట‌ల మాంత్రికుడు త్రివిక్ర‌మ్ శ్రీ‌నివాస్‌తో చేయ‌నున్నాడు. హారికా అండ్ హాసిని క్రియేషన్స్ బ్యాన‌ర్‌పై నిర్మిత‌మ‌వుతున్న ఈ చిత్రం ఫిబ్ర‌వ‌రి 3న పూజా కార్యక్రమాలతో ఘ‌నంగా ప్రారంభమైంది.
అయితే ఈ చిత్రంలో హీరోయిన్ పూజా హెగ్డే ఇప్ప‌టికే ఖ‌రారు కాగా.. సెకెండ్ హీరోయిన్‌గా త్రివిక్ర‌మ్ శ్రీ‌లీల‌ను ఎంపిక చేశాడ‌ట. ఇందుకు సంబంధించిన చ‌ర్చ‌లు సైతం పూర్తి అయ్యాయ‌ని సోష‌ల్ మీడియాలో ప్ర‌చారం జ‌రుగుతోంది. మ‌రి ఈ ప్ర‌చార‌మే నిజ‌మైతే శ్రీలీల న‌క్క తోక తొక్కిన‌ట్టే అవుతుంది.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!