Prabhas Salaar : తెలుగు ఇండస్ట్రీలో మంచి పేరు సంపాదించుకున్న ప్రభాస్ బాహుబలి చిత్రం ద్వారా దేశవ్యాప్తంగా మరింత గుర్తింపు సాధించాడు. ఈ చిత్రం ద్వారా పాన్ ఇండియా హీరోగా పేరు తెచ్చుకున్న ప్రభాస్ ప్రస్తుతం రాధాకృష్ణ దర్శకత్వంలో రాధేశ్యామ్ చిత్రంలో నటిస్తున్నాడు.ఈ సినిమా దాదాపు షూటింగ్ పూర్తి చేసుకున్న నేపథ్యంలో ప్రభాస్ తన తర్వాత ప్రాజెక్ట్ కేజిఎఫ్ డైరెక్టర్ ప్రశాంత్ నీల్ దర్శకత్వంలో “సలార్” చిత్రంలో నటిస్తున్న సంగతి మనకు తెలిసిందే. ఇప్పటికే పూజా కార్యక్రమాలను పూర్తి చేసుకున్న ఈ చిత్రం త్వరలోనే షూటింగ్ పనులను ప్రారంభించనుంది.
ప్రశాంత్ నీల్ తెరకెక్కిస్తున్న ఈ సినిమాలో ప్రభాస్ సరసన మొదటి సారిగా హీరోయిన్ గా నటించే అవకాశాన్ని శృతిహాసన్ దక్కించుకున్నారు. పాన్ ఇండియా రూపంలో తెరకెక్కుతున్న ఈ చిత్రాన్ని హోంబళీ ఫిలిమ్స్ నిర్మిస్తున్నారు.ఇప్పటికే నిర్మాణ పనులను జరుపుకుంటున్న ఈ చిత్రానికి సంగీత దర్శకుడు ఎవరు అనే విషయం గురించి ఇంతవరకు చిత్రబృందం ఎలాంటి సమాచారం తెలియజేయలేదు. అయితే తాజాగా వచ్చిన సమాచారం ప్రకారం ఈ చిత్రానికి ప్రముఖ సంగీత దర్శకుడు ఎస్ఎస్ తమన్ అందించనున్నట్లు తెలుస్తోంది.
హోంబళీ ఫిలిమ్స్ నుంచి తెరకెక్కుతున్న యువరత్న సినిమాకి సంగీతం తమన్ సమకూరుస్తుడడంతో ప్రభాస్ చేస్తున్న సలార్ సినిమాకి కూడా సంగీతాన్ని అందించే అవకాశం దక్కించుకున్నారని తెలుస్తోంది.అయితే ఇప్పటివరకు ప్రభాస్ తమన్ కాంబినేషన్లో సినిమాలు రాలేదని ఇదే మొదటి సినిమా అని చిత్రబృందం తెలియజేసింది. ఏదిఏమైనా ప్రభాస్ నటిస్తున్న సలార్ సినిమాకు సంగీతం అందించే లక్కీ ఛాన్స్ తమన్ దక్కించుకున్నారని చెప్పవచ్చు. ఈ సినిమా షూటింగ్ పనులు తొందరగా ముగించుకొని వేసవి సెలవులు లేదా దసరా కానుకగా విడుదల చేయాలనే ఆలోచనలో చిత్ర బృందం ఉన్నట్లు తెలుస్తోంది. దీని తర్వాత ప్రభాస్ బాలీవుడ్ దర్శకుడు ఓం రౌత్ దర్శకత్వంలో ఆది పురుష్ చిత్రంలో నటించనున్నారు.దీని తర్వాత ప్రముఖ దర్శకుడు నాగ్ అశ్విన్ దర్శకత్వంలో ఓ సినిమా చేయనున్న సంగతి మనకు తెలిసిందే.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!