Sarkaru Vaari Paata: సూపర్ స్టార్ మహేష్ బాబు “గీతా గోవిందం” డైరెక్టర్ పరశురామ్ దర్శకత్వంలో “సర్కారు వారి పాట” సినిమా చేస్తున్న సంగతి తెలిసిందే. వరుసపెట్టి 3 బ్లాక్ బస్టర్ విజయాల తర్వాత.. మహేష్ నటిస్తున్న ఈ సినిమా పై అభిమానులు భారీ అంచనాలు పెట్టుకున్నారు. ఇక ఇదే తరుణంలో సినిమా “పోకిరి” మాదిరిగా ఉంటుందని స్వయంగా హీరో మహేష్ కామెంట్ చేయటంతో.. అంచనాలు ఇప్పుడు మరింత డబుల్.. త్రిబుల్ అయ్యాయి. ఇదిలా ఉంటే ఈ సినిమాలో ఇండస్ట్రీకి చెందిన యంగ్ హీరో కొడుకు నటిస్తున్నట్లు లేటెస్ట్ టాక్. ఆ హీరో మరెవరో కాదు మహేష్ బావ సుధీర్ బాబు. సుధీర్ బాబు చిన్న కొడుకు దర్శన్… “సర్కారు వారి పాట”.. లో నటిస్తున్నట్లు సుధీర్ బాబు తెలియజేశారు.
గతంలో అడవి శేషు హీరోగా వచ్చిన “గూడచారి: సినిమా లో కూడా దర్శన్ నటించడం జరిగింది. సుధీర్ బాబు పెద్దకొడుకు మానస్.. కూడా ఇప్పటికే రెండు సినిమాలలో నటించాడు. ఇదిలా ఉంటే సర్కారు వారి పాట సినిమా షూటింగ్ ఫైనల్ దశకు చేరుకుంది. ఈ వారంలోనే చివరి షెడ్యూల్ లో మహేష్ పాల్గొననున్నారు. ఏకధాటిగా చివరి షెడ్యూల్ కంప్లీట్ చేసి.. ఈ వేసవి కానుకగా మే 12వ తారీకు సినిమా రిలీజ్ చేయడానికి రెడీ అయ్యారు.
ఫిబ్రవరి 14వ తారీకు వాలెంటైన్స్ డే నాడు.. “సర్కారు వారి పాట” సినిమాకి సంబంధించి ఫస్ట్ సింగిల్ సాంగ్ రిలీజ్ కానుంది. ఇప్పటికే ఈ సినిమాకి సంబంధించి రిలీజ్ అయిన వీడియోలు ఫోటోలు సోషల్ మీడియాలో వైరల్ అవుతున్నయి. ఈ సినిమా తర్వాత మహేష్… త్రివిక్రమ్ సినిమా షూటింగులో జాయిన్ కానున్నారు. “సర్కారు వారి పాట” సినిమాలో మహేష్ గత సినిమాలకు భిన్నంగా మెడపై టాటూ… లాంగ్ హెయిర్ పెంచుకోవడంతో… మహేష్ క్యారెక్టర్ ఏ విధంగా ఉంటుందో అని బయట అభిమానులు తెగ డిస్కషన్ చేసుకుంటున్నారు. వేసవి కానుకగా రిలీజ్ కాబోతున్న ఈ సినిమా గ్యారెంటీగా టాలీవుడ్ బాక్సాఫీస్ దగ్గర రికార్డులు సృష్టిస్తుందని భావిస్తున్నారు.
Brahmamudi: బ్రహ్మముడి లో రుద్రాణి పాత్రలో నటిస్తున్న షర్మిత గౌడ రెమ్యూనరేషన్ ఎంతో తెలుసా..!