మామూలుగా పాము అంటేనే చాలు ఎగిరి గంతేసి ఎక్కడా ఎక్కడా అంటూ బిత్తిరిచూపులతో పరిగెత్తేవారు చాలా మందే ఉంటారు. ఇంకా పాము కనిపిస్తేనా ఆమడ దూరంలో ఉన్నా అమ్మో అదినాదగ్గరికి వచ్చి కాటేస్తదేమోనని భయపడి అక్కడిక్కడే సొమ్మసిల్లిపోతుంటారు. కాని ఓ వింత పామును చూసిన జనాలు, అధికారులు షాక్ కు గురయ్యారు. అయ్యాబాబోయ్ ఇదేందిది నేనేడా చూడలా.. ఇలాంటి వింతైన పామును అంటూ అధికారులు ఆశ్చర్యానికి గురయ్యారు.
అది ఎక్కడో అడవుల్లో ఆ పాము దర్శనమివ్వలేదండోయ్.. స్వయంగా ఓ వ్యక్తి ఇంట్లోనే ప్రత్యక్షమై అందరిని భయనికీ, ఆశ్చర్యానికి గురిచేసింది. మరి ఇదెక్కడ జరిగిందంటే.. అమెరికాలో చోటుచేసుకుంది ఈ వింత. విర్జీనియాకు చెందిన ఓ వ్యక్తి ఇంట్లో ఓ వింతైన పాము కనిపించింది. దాని రూపురేఖలు చూసి సదరు వ్యక్తి భయానికి గురై ఆ వెనువెంటనే షాక్ కు గురయ్యాడు.
ఆ పాము చూడటానికి వింతగా ఉంది. దాంతో ఆ వ్యక్తి వెంటనే అధికారులు సమాచారం ఇచ్చాడు. ఇంకేముంది ఆ వింతను చూసేందుకు అధికారులు కూడా రంగంలోకి దిగారు. అమెరికాలోని వర్జీయాలో వైల్డ్ లైఫ్ మ్యానేజ్ మెంట్ కంట్రోల్ విభాగం పాములను పట్టేందుకు 24 గంటలు అందుబాటులో ఉంటారు. ఈ పాములను పట్టేందుకు సపరేట్ గా స్నేక్ హాట్ లైన్ సేవలు కూడా అక్కడ అందుబాటులో ఉన్నాయి.
ఇంకేముంది ఆ సదరు వ్యక్తి నుంచి వింత పాము గురించి సమాచారం రావడంతో అధికారులు అక్కడికి చేరుకున్నారు. సదరు వ్యక్తి ఇంటికెళ్లి ఆ వింతపామును చూసిన అధికారులు షాక్ కు గురయ్యారు. అసలు ఇది ఏ పాము, దీని పేరేంటి, ఎక్కడనుంచి వచ్చుంటుంది అనేది కూడా అధికారులకు అర్థంకాలేదట. అడుగు పైగా పొడవున్న ఈ వింత పామును పట్టుకుని ఫోటోలు తీసి సోషల్ మీడియాలో షేర్ చేశారు. మరి మీరు కూడా చూసి తరించండి ఈ వింతపామును. మీరు కూడా ఎక్కడైనా ఇలాంటి వింతలను చూశారా..!
