Deepthi Sunaina: బిగ్బాస్ సీజన్ 5లో కంటెస్టెంట్ గా షణ్ముఖ్ జస్వంత్ పోటీ చేసిన విషయం తెలిసిందే. ఇదే దీప్తి సునయనతో అతని బ్రేకప్కు ముఖ్య కారణం కారణమైందని తెలుస్తోంది. దీప్తి సునయన ఇటీవల షణ్ముఖ్తో తెగతెంపులు చేసుకుంటున్నట్లు ఇన్స్టాగ్రామ్ వేదికగా ఒక బ్రేకప్ పోస్ట్ పెట్టింది. దీంతో వారి అభిమానులు అందరూ ఒక్కసారిగా షాకయ్యారు. తాజాగా దీనిపై షణ్ముఖ్ స్టోరీస్ ద్వారా స్పందించాడు. దీప్తి ఎప్పుడు కూడా సంతోషంగా ఉండాలని తాను కోరుకుంటున్నట్లు తెలిపాడు.
“బ్రేకప్ నిర్ణయం తీసుకునే సర్వహక్కులు ఆమెకు ఉన్నాయి. ఇప్పటివరకూ తను ఎన్నో బాధలను అనుభవించింది. ఇకపై ఆమె ప్రశాంతంగా, సంతోషంగా ఉండాలని కోరుకుంటున్నాను. మేము ప్రయాణించే దారులు వేరైనా ప్రతి విషయంలో తప్పకుండా పరస్పరం సపోర్ట్ చేసుకుంటూనే ఉంటాం. నేను ఒక మంచి వ్యక్తిగా మారేందుకు ఈ 5 సంవత్సరాల్లో సహాయపడినందుకు కృతజ్ఞతలు. నువ్వు సంతోషంగా ఉండాలి..!! ఆల్ ది బెస్ట్, జాగ్రత్తగా ఉండు దీపు’’ అని షణ్ముఖ్ తన ఇన్స్టాగ్రామ్ స్టోరీస్ లో రాసుకొచ్చాడు. వీరిద్దరూ విడిపోకూడదని ఇప్పటిదాకా ఆశ పెట్టుకున్న అభిమానులు అందరూ ఇప్పుడు గుండె పగులుతున్నారు. నిజంగానే వీరిద్దరు విడిపోయారనే చేదు నిజాన్ని జీర్ణించుకోలేకపోతున్నారు.