Strange Robbery: ఇప్పటికే మనం నిజ జీవితంలో ఎన్నో రకాల దొంగతనాలు చూసి ఉంటాం. కానీ ఈక్వెడార్ దేశంలో జరిగిన దొంగతనం వాటి అన్నిటికి అతీతం. మాములుగా ఇలా జరిగింది అని అక్కడ ఉన్నవారు అని ఉంటె ఎవ్వరూ వారి మాట నమ్మి ఉండేవారు కాదు కానీ ఈ విషయం వీడియో తో సహా బయటపడేసరికి అందరూ ముక్కున వేలు వేసుకుంటున్నారు. ఇంతకీ అసలు అక్కడ ఏం జరిగిందంటే…
పట్ట పగలు అందరూ చూస్తూ ఉండగా డైరెక్టివి స్పోర్ట్స్ చానల్ కు చెందిన రిపోర్టర్ డియోగో ఆర్డినోలా లైవ్ లో ఉండగా ఈ సంఘటన జరిగింది. ఈ మధ్య ఈక్వెడార్ దేశంలో ఇసిడ్రో రొమెరో కార్బో మాన్యుమెంటల్ స్టేడియంలో పుట్ బాల్ మ్యాచ్ జరిగిన విషయం మనకు తెలిసిందే. ఈ నేపథ్యంలో ఫుట్ బాల్ స్టేడియం బయట నుంచి లైవ్ ఇస్తున్న రిపోర్టర్ దగ్గరికి ఒక వ్యక్తి సడన్ గా వచ్చి పిస్టల్ చూపించి బెదిరించి చోరికి పాల్పడ్డాడట.
ఇది అంతా ప్రత్యక్షంగా చూస్తున్న రిపోర్టర్ షాక్ అయిపోయాడు. ఆ వచ్చిన దొంగ రిపోర్టర్ మరియు కెమరామెన్ కు ఏ మాత్రం టైం ఇవ్వకుండా వెంటనే వారి దగ్గర ఉన్న వాలెట్ లను తీసుకుని అక్కడ నుంచి జారుకున్నాడు. అతను వెళ్ళిపోగానే షాక్ నుంచి తేరుకున్న రిపోర్టర్ వెంటనే అతను వెళ్లిన దారిలో వెళ్లగా అతడు అప్పటికే తప్పించుకున్నాడు.
అయితే ఈ ఉదంతం మొత్తం వారి చేతిలో ఉన్న కెమెరాలో రికార్డు అయ్యింది. ఆ రిపోర్టర్ ఈ వీడియో ను సోషల్ మీడియాలో పోస్ట్ చెయ్యగా ఈ విషయం వెలుగులోకి వచ్చింది.