TVs Apache RTR 200 4V : చెన్నైకి చెందిన ప్రముఖ ద్విచక్ర వాహన తయారీ సంస్థ టీవీఎస్ మోటార్ కంపెనీ..! తాజాగా భారత్ మార్కెట్లో తమ పాపులర్ అపాచీ సిరీస్ లో సరికొత్త వేరియంట్ ను విడుదల చేసింది..! టీవీఎస్ అపాచీ ఆర్ టి ఆర్ 200 4వి TVs Apache RTR 200 4V సింగిల్ ఛానల్ ఏబిఎస్ మోడల్ను సరికొత్త రైడ్ మోడ్స్ తో విడుదల చేసింది..!!
TVs Apache RTR 200 4V రైడ్ మోడ్స్ :
TVs Apache RTR 200 4V ఈ బైక్ లో స్పోర్ట్స్, అర్బన్ రెయిన్ అనే 3 రైడ్ మోడ్స్ ను అందిస్తోంది. అర్బన్ మోడ్ రోజువారీ రైడ్ కు ఎంతో అనుకూలంగా ఉంటుంది. అర్బన్ మోడ్ ఇంజన్ నుండి గరిష్ట పవర్ ను గ్రహించి వెంటనే రెస్పాండ్ అయ్యే ల ఈ మోడ్ ను డిజైన్ చేశారు. రెయిన్ మోడ్ లో స్ట్రాంగ్ లివర్ పల్సేషన్ అందించేందుకు ఏబీఎస్ నుండి గరిష్ట స్పందనను పొందుతుంది. తడిగా ఉన్న రహదారులపై ఈ మోడ్ చక్కగా ఉపయోగపడుతుంది. స్పోర్ట్స్ మోడ్ ట్రాక్, హైవేల కోసం ప్రత్యేకంగా డిజైన్ చేశారు. ఈ మోడ్ ఇంజన్ నుంచి గరిష్ట శక్తిని పొంది, వేగవంతమైన యాక్సిలరేషన్ ను అందిస్తుంది. ఈ బైక్ ఎక్స్ షోరూం ధర రూ.1.28 లక్షలు.
ఇంజన్ :
TVs Apache RTR 200 4V బైక్ లో 197.75 సి సి సింగిల్ సిలిండర్, 4- వాల్వ్ ఆయిల్ కూల్డ్ ఇంజన్ ను ఉపయోగించారు. ఈ ఇంజన్ గరిష్టంగా 20.2 బీ హెచ్ పి పవర్ ను, 16.8 ఎన్ఎమ్ టార్క్ ను ఉత్పత్తి చేస్తుంది.
ఫీచర్స్ :
రేస్ ట్యూన్డ్ ఫ్యూయెల్ ఇంజెక్షన్ సిస్టం, రేస్ ట్యూన్డ్ స్లిప్పర్ క్లచ్, బ్లూటూత్ ఎనేబుల్డ్ టీవీఎస్ స్మార్ట్ ఎక్స్ కనెక్ట్, గ్లైడ్ త్రు టెక్నాలజీ, ఎల్ఈడి హెడ్ల్యాంప్స్, ఏ బి ఎస్ ఛానల్ వంటి అధునాతన సాంకేతిక ఫీచర్లు ఉన్నాయి.