Pawan Kalyan: “రిపబ్లిక్” సినిమా ప్రీ రిలీజ్ వేడుకలో పవన్ చేసిన వ్యాఖ్యలు కొత్త సినిమా ఇండస్ట్రీలోనూ ఇటు ఏపీ రాజకీయాల్లో పెను దుమారాన్ని రేపుతున్నాయి. ఈ విషయంలో ఇండస్ట్రీ నుండి కేవలం హీరో నాని అదేరీతిలో కార్తికేయ మాత్రమే మద్దతు తెలిపారు. మరోపక్క వైసిపి పార్టీ నేతలు పవన్ కళ్యాణ్ సినిమా ఇండస్ట్రీ వర్సెస్ ఏపీ ప్రభుత్వం అన్న రీతిలో సీన్ క్రియేట్ చేయడానికి పెద్దపెద్ద హీరోల పేర్లు.. వాడారని అంటున్నారు. తన పొలిటికల్ మైలేజీ కోసం టాలీవుడ్ టాప్ హీరోల.. పేర్లను ఓ సినిమా ఈవెంట్ లో.. రాజకీయ విమర్శలు చేయటానికి ఉపయోగించుకున్నారని ఆరోపణలు చేస్తూ ఉన్నారు.
పరిస్థితి ఇలా ఉంటే పవన్ కళ్యాణ్ కి ఇండస్ట్రీ నుండి ఊహించని షాక్ తగిలింది. తెలుగు ఫిలిం ఛాంబర్ ఆఫ్ కామర్స్.. పవన్ చేసిన వ్యాఖ్యలు ఆయన వ్యక్తిగతమని.. ఆయనకు ఇండస్ట్రీకి ఎటువంటి సంబంధం లేదని ప్రకటన విడుదల చేశారు. అదే రీతిలో ఇండస్ట్రీపై చాలా కుటుంబాలు ఆధారపడి బతుకుతున్నాయి అని…, వ్యక్తిగత అభిప్రాయాలను పలు వేదికలపై ఇటీవల ఇండస్ట్రీకి చెందిన వారు వెల్లడి చేస్తున్నారని వారు చేసిన వ్యాఖ్యలకు.. ఇండస్ట్రీ కి ఎటువంటి సంబంధం లేదని స్పష్టం చేశారు.
రెండు తెలుగు రాష్ట్రాల ప్రభుత్వాల మద్దతు ఇండస్ట్రీకి ఎంతో ముఖ్యమని పేర్కొన్నారు. అంత మాత్రమే కాక ఇండస్ట్రీకి సంబంధించి అనేక ఇబ్బందుల విషయంలో.. ఏపీ ప్రభుత్వం పూర్తిగా సహకరిస్తుందని ఇప్పటికే అక్కడ మంత్రి పేర్ని నాని తో చర్చించడం జరిగిందని రెండు రాష్ట్రాల ముఖ్యమంత్రులు కూడా ఇండస్ట్రీకి ఎంతగానో సహకారంగా ఉంటారని ప్రకటనలో.. తెలుగు ఫిలిం ఛాంబర్ ఆఫ్ కామర్స్ స్పష్టం చేశారు.
