Kaali Documentary: కాళికాదేవిని అవమానించేలా ఓ డాక్యుమెంటరీ ఫిల్మ్ పోస్టర్ పై సర్వత్రా అగ్రవేశాలు వ్యక్తం అవుతున్న నేపథ్యంలో యుపీ పోలీసు (UP Police) లు ..ఫిల్మ్ డైరెక్టర్ లీనా మణిమేకలై (LeenaManimekalai)పై కేసు నమోదు చేశారు. ఆ పోస్టర్ లో కాళీమాత (Kaali Mata) సిగరెట్ తాగుతున్నట్లు ఉండటం తీవ్ర వివాదాస్పదమైంది. సోషల్ మీడియా (social Media) లో వైరల్ అవుతున్న పోస్టర్ పై నెటిజన్ లు తీవ్ర స్థాయిలో ఆగ్రహం వ్యక్తం చేస్తున్నారు. కాళికాదేవిని అవమానించిన ఫిల్మ్ డైరెక్టర్ ను అరెస్టు చేయాలని డిమాండ్ చేస్తున్నారు. తమ మనోభావాలను దెబ్బతీసిన డైరెక్టర్ ను వదలవద్దు అంటూ సోషల్ మీడియా ద్వారా డిమాండ్ చేస్తున్నారు. #ArrestLeenaManimekalai హ్యాష్ ట్యాగ్ ట్విట్టర్ లో ట్రెండింగ్ లో ఉంది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
డైరెక్టర్ లీలా మణిమేకలై ఈ పోస్టర్ ను ట్విట్టర్ లో పోస్టు చేశారు. కాళిమేత వేషధారణలో ఉన్న ఓ మహిళ సిగరెట్ తాగుతున్నట్లుగా అందులో ఉంది. ఓ చేతిలో త్రిశూలం, మరో చేతిలో కొడవలితో ఉన్న ఆ మహిళ మరో చేతిలో ఎల్జీబీటీక్యు ప్లస్ (LGBTQ) కు చెందిన జెండను పట్టుకొని ఉంది. ఈ పోస్టర్ ను ట్విట్టర్ లో షేర్ చేసిన వెంటనే లీనాపై నెటిజన్లు తీవ్ర స్థాయిలో విరుచుకుపడ్డారు. కేంద్ర హోమ్ శాఖ మంత్రి అమిత్ షా, పీఎంవో వెంటనే జోక్యం చేసుకుని లీనాపై చర్యలు తీసుకోవాలని కోరుతున్నారు. ఈ నేపథ్యంలో యూపి పోలీసులు లీనాపై వివిధ సెక్షన్ల కింద ఎఫ్ఐఆర్ నమోదు చేశారు.