Bigg Boss 5 Telugu: బిగ్ బాస్ సీజన్ ఫైవ్ లో రన్నర్ గా నిలిచిన షణ్ముఖ్ హౌస్ నుండి బయటకు వచ్చాక చాలా సైలెంట్ అయిపోయాడు. మిగతా కంటెస్టెంట్ లతో పోలిస్తే ఎప్పటిలాగానే ఏకాంతం లోకి వెళ్ళిపోయాడు. బిగ్ బాస్ సీజన్ ఫైవ్ లో కంటెస్టెంట్ లు గా ఉన్న వ్యక్తులు బయటకు వచ్చాక చాలా కార్యక్రమాల్లో పాల్గొంటూ అలరిస్తున్నారు. అనేక టీవీ ఇంటర్వ్యూ లలో టెలివిజన్ షో లలో పాల్గొంటూ వస్తున్నారు. షణ్ముఖ్ మాత్రం మిగతా కంటెస్టెంట్ కలవకుండా చాలావరకు.. ఇంటికే పరిమితమవుతున్నారు.
ఇటువంటి తరుణంలో తాజాగా కొత్త ఇంటిలో షణ్ముక్ అడుగు పెట్టడం జరిగింది. వాటికి సంబంధించిన ఫోటోలు మరియు వీడియోలను తన ఇంస్టాగ్రామ్ లో పోస్ట్ చేసి అభిమానులతో పంచుకున్నాడు. బిగ్ బాస్ షోలో… కూడా చిన్న స్థలాన్ని షణ్ముఖ్ గెలుచుకోవటం తెలిసిందే. ఇదిలా ఉంటే వచ్చే ఆదివారం ఫిబ్రవరి 13వ తారీకు “స్టార్ మా” లో షణ్ముఖ్ జస్వంత్ ఒక ప్రత్యేకమైన కార్యక్రమం లో పాల్గొంటున్నాడు. ఆ కార్యక్రమానికి సంబంధించి రిలీజ్ అయిన ప్రోమో ప్రస్తుతం వైరల్ గా మారింది. లవ్ మీద నమ్మకం ఇంకా అనేక ప్రశ్నలు షణ్ముఖ్ నీ యాంకర్ రవి అడగడం జరిగింది.
దీంతో వాటికి షణ్ముక్ ఎటువంటి సమాధానాలు ఇస్తారు అన్నది సస్పెన్స్ గా మారింది. బిగ్ బాస్ హౌస్ లో క్లోజ్ గా లేకపోయినా దాని తర్వాత యాంకర్ రవి తో… షణ్ముక్ బాగా క్లోజ్ అయ్యాడు. అయితే ఇదే సమయంలో యాంకర్ రవి కూడా బిగ్ బాస్ హౌస్ నుండి ఎలిమినేట్ అయిన సమయంలో తన లైఫ్ లాంగ్ బ్రదర్ షణ్ముక్ అని క్లారిటీ ఇవ్వడం మాత్రమే కాక బయటకు వచ్చాక సోషల్ మీడియాలో పలు లైవ్ వీడియో లో కూడా ఇదే విషయాన్ని తెలియజేశాడు. ఇప్పుడు వీరిద్దరి కాంబినేషన్ లో స్టార్ మా లో కార్యక్రమం రావడంతో ఫిబ్రవరి 13 తారీకు కోసం అభిమానులు రవి ఫ్యాన్స్.. ఎంతో ఆసక్తిగా ఎదురు చూస్తున్నారు.