California winery : కాలిఫోర్నియా లోని సోనోమాకు చెందిన మర్ఫీ గూడె వైనరీ మద్యం కంపెనీ నిరుద్యోగులకు మంచి అవకాశం కల్పించింది. ఈ సంస్థలోని ఒక పోస్టును భర్తీ చేసేందుకు దరఖాస్తులను ఆహ్వానిస్తోంది.. ఆ పోస్టుకు ఏకంగా రూ.7.24 లక్షలు ఇవ్వనుంది. అంతేకాకుండా అనేక లగ్జరి బెనిఫిట్స్, ఉచిత వసతి, భోజనం ను కూడా అందిస్తోంది. అయితే ఈ ఉద్యోగం కేవలం ఒక సంవత్సరం మాత్రమే.. ఈ సంస్థలో ఉద్యోగం పొందిన ఎవరికైనా కూడా తమకు నచ్చిన వైనరీ లో పని చేయవచ్చు..!!
మొదటి కొన్ని నెలలు, ఉద్యోగి వైనరీలోని అన్ని రకాల పనులు చేయవలసి ఉంటుంది. దానికి అక్కడ చేస్తున్నవారు కూడా శిక్షణ ఇస్తారు. ఎప్పుడైతే ఉద్యోగులు అక్కడున్న విషయాలను అర్థం చేసుకుంటారో.. అప్పటి నుంచి వారి అభిరుచికి అనుగుణంగా పని చేసే అవకాశం లభిస్తుంది. ఇక వారు చేసే పనిని ఎంజాయ్ చేస్తూ సంవత్సరమంతా మద్యం టెస్ట్ చేయడమే. అటు ఉద్యోగులకు ఈ కామర్స్ పై పూర్తి అవగాహన ఉండాలి. వారు వేరు వేరు టీమ్స్ ను కమ్యూనికేట్ చేయాల్సి ఉంటుంది. ఈ ఉద్యోగం కోసం దరఖాస్తు చేసుకునే వారు కనీస వయస్సు 21 సంవత్సరాలు ఉండాలి. అలాగే అమెరికాలో పని చేయడానికి అభ్యర్థికి అనుమతి అవసరం. ఈ ఉద్యోగం కోసం అభ్యర్థి తన గురించి మొత్తం సమాచారాన్ని వీడియో రూపంలో పంపించాలి. మీరు కూడా అక్కడ పని చేయాలనుకుంటే, జూన్ 30 లోపు దరఖాస్తు చేసుకోండి.
