Paralysis: అప్పటి వరకు బాగున్న మనిషి ఉన్నట్టుండి ఒక్కసారిగా కూల పడిపోతారు.. అదేనండి పక్షవాతం.. మెదడు లోని ఓ భాగానికి రక్త ప్రసరణ కు అవరోధం ఏర్పడినా, ఆగిపోయినా స్ట్రోక్ వస్తుంది.. కొన్నిసార్లు పక్షవాతం ప్రాణాంతకం కావచ్చు.. అయితే ఈ అలవాటు ఉన్నవారు మార్చుకుంటే పక్షవాతం రాకుండా చేయవచ్చు.. అవెంటంటే..!!
Paralysis: ధూమపానం, మద్యపానం మానుకోండి..!!
ధూమపానం, మద్యపానం ఆరోగ్యానికి హానికరం.. ఏ రోజుకు రెండు పెగ్గులు తాగితే ఆరోగ్యకరమే. కాని అంతకుమించి ఎక్కువగా తాగితే రక్తపోటు పెరుగుతుంది. ఇటీవల జరిగిన తాజా అధ్యయనాలలో రోజుకు పురుషులు 8, స్త్రీలు 6 పెగ్గులు మించి తాగితే పక్షవాతం వచ్చే సూచనలు ఎక్కువగా ఉన్నాయని చెబుతున్నారు. మితిమీరి తాగటం వలన పక్షవాతం కొని తెచ్చుకోవడమే. సిగరెట్ తాగటం వలన పక్షవాతమే కాకుండా , గుండె, శ్వాసకోశ సంబంధిత సమస్యలు తలెత్తుతాయి.
శారీరక శ్రమ చేయని వారిలో కూడా పక్షవాతం వచ్చే అవకాశం ఉంది. శారీరక శ్రమ చేయడం వలన శరీరం లోని నాడులు నిర్జీవంగా ఉంటాయి. రోజులో కొద్ది సేపైనా ఖచ్చితంగా వ్యాయామం చేయాలి. దీని వలన మన శరీరంలోని కండరాలు కదులుతాయి. శరీరం లో కదలికలు లేకపోయినా బ్రెయిన్ స్ట్రోక్ వచ్చే అవకాశం ఉంది. అధిక బరువు తో బాధపడుతున్న వారిలో కూడా బ్రెయిన్ స్ట్రోక్ వస్తుంది. అందువలన బరువు తగ్గడానికి ప్రయత్నించాలి శరీరంలో నిల్వ ఉన్న చెడు కొలెస్ట్రాల్ ను కరిగించాలి. ఈ ఈ అలవాట్లను ఇప్పటినుంచే మానుకుంటే పక్షవాతం వచ్చే అవకాశాలను కొంతవరకైనా తగ్గించిన వారవుతారు.
ఈ సమస్య కొంతమంది లో జన్యుపరంగా వస్తుంది. బ్రెయిన్ స్ట్రోక్ వచ్చిన కొన్ని గంటల లోనే మనం హాస్పిటల్ కి తీసుకు వెళ్లాలి. లేకపోతే కాళ్లు, చేతులు, మూతి, శరీరం లోని కొన్ని అవయవాలు చచ్చుబడిపోయే అవకాశం ఉంది. బ్రెయిన్ లో రక్త సరఫరా ఏ ప్రదేశంలో ఆగిపోతుందో ఆ ప్రదేశం అనుగుణంగా అవయవాల కదలికలు ఆగిపోతాయి దాని విధంగా మూతి వంకర పోవడం. కాళ్లు చేతులు, చచ్చు బడిపోవడం ఉంటుంది. కొన్ని కొన్ని సార్లు సమస్య తీవ్రత గా మరి ప్రాణాపాయం కావచ్చు. పక్షవాతం వచ్చిన వెంటనే మనం హాస్పిటల్ కు తీసుకు వెళితే కొన్నిసార్లు శరీరంలో అవయవాలు కదలికలు ఆగిపోకుండా కూడా చేయొచ్చు.
పక్షవాతం వచ్చేముందు కళ్ళు మసక బరటం, మనం చూసే వస్తువు రెండుగా కనిపిస్తాయి. వారు నవ్వుతుంటే ఒక పెదవి పైకి కిందకి వెళ్ళి పోతుంది. వారు చెప్పే విషయాలను స్పష్టంగా గమనించినట్లైతే వారు సరిగా మాట్లాడలేక పోతున్నారు. వారు చెప్పిన విషయాన్ని మరలా మరలా చెబుతూ ఉంటారు. కొన్ని కొన్ని సార్లు ఒక పదాన్ని చదవమంటే సరిగా చదవలేక పోతారు. ఈ లక్షణాలను గమనించినట్లయితే వెంటనే హాస్పిటల్ కు తీసుకు వెళ్లాలి.
