పాపం బుజ్జి ఖడ్గమృగం!

(న్యూస్ ఆర్బిట్ డెస్క్)

ముష్కరుల చేతిలో ప్రాణాలు కోల్పోయిన ఖడ్గమృగం అచేతనంగా పడిఉంటుంది. నెలలు కూడా నిండని బుల్లి ఖడ్గమృగం తల్లికి ఏమయిందో తెలియక దానిని లేపేందుకు ప్రయత్నిస్తుంటుంది. హృదయాలు ద్రవింపజేసే ఈ వీడియో ప్రస్తుతం ట్విట్టర్‌లో తిరుగుతోంది. భారత అటవీశాఖ అధికారి పర్వీన్ కాశ్వాన్  ఈ వీడియోను ట్విట్టర్‌లో పోస్టు చేశారు.

The picture of poaching !!

A baby #rhino tries to wake #mother, who is killed by poachers for the #horn. Devastating & eye opening. pic.twitter.com/EnAS2PAHiD

— Parveen Kaswan, IFS (@ParveenKaswan) July 2, 2019

వన్యమృగాలను అక్రమంగా వేటాడడం ఎంత దుర్మార్గమో మరోసారి జనానికి తెలిపేందుకు గత ఏడాది నాటి ఈ వీడియాను పోస్టు చేసినట్లు ఆయన పేర్కొన్నారు. దక్షిణాఫ్రికాలో ఈ వీడియోను తీశారు. హంతక వేటగాళ్లు తల్లి ఖడ్గమృగాన్ని చంపి దాని కొమ్ములు నరుక్కు వెళ్లారు. పిల్ల ఖడ్గమృగాన్ని దాని చావుకు దాన్ని వదిలివెళ్లారు.

బుల్లి ఖడ్గమృగాన్ని తర్వాత వన్యప్రాణుల విభాగం సిబ్బంది రక్షించి శరణాలయానికి తీసుకువెళ్లారు. అక్కడ దానికి  కార్లొటీ అని పేరు పెట్టి పెంచుతున్నారు.

ప్రపంచం మొత్తం మీద ఉండే ఖడ్గమృగాలలో 80 శాతం దక్షిణాఫ్రికాలోనే ఉన్నాయి. దాని కొమ్ముకోసం ఖడ్గమృగాన్ని వేటాడుతారు. ఆఫ్రికా జాతి ఖడ్గమృగానికి రెండు కొమ్ములు ఉంటాయి. ఇండియా, అస్సాంలోని కజిరంగా  అటవీ ప్రాంతంలో నివసించే జాతి ఖడ్గమృగాలకు ఒకే కొమ్ము ఉంటుంది. దక్షిణాఫ్రికాలో ఒక్క 2018 లోనే 769 ఖడ్గమృగాలను అక్రమంగా వేటాడారు.

ఖడ్గమృగం కొమ్ముకు వియత్నాంలో విపరీతమైన గిరాకీ ఉంది. అక్కడ కిలోగ్రాము బరువు కొమ్ముకు 70 లక్షల రూపాయల వరకూ ధర పలుకుతుంది. ఖడ్గమృగం కొమ్ము కాన్సర్‌ని తగ్గిస్తుందన్న నమ్మకం అక్కడ ప్రచారంలో ఉంది. ఇది పుంసత్వాన్ని పెంచుతుందన్న నమ్మకాలు కూడా ఉన్నాయి. ఇటీవలి కాలంలో ఖడ్గమృగం కొమ్మును ఆల్కాహాల్‌తో పాటు పార్టీలలో సేవించే పదార్ధంగా కూడా వాడుతున్నారు.

అటవీశాఖ అధికారి పర్వీన్ కాశ్వాన్  ట్విట్టర్‌లో పోస్టు చేసిన వీడియోకు మంచి స్పందన వచ్చింది. చాలా మంది ఆగ్రహంగా బాధగా స్పందించారు. చాలమంది దీనిని షేర్ చేశారు.

???? https://t.co/QFyfTtd99W

— Swara Bhasker (@ReallySwara) July 2, 2019