(న్యూస్ ఆర్బిట్ డెస్క్)
హార్న్‌బిల్ పక్షుల తలపై బంగారంలాగా మెరిసిపోయే పసుపు ఛాయ మకుటం కొట్టొచ్చినట్లు కనబడుతుంది. పసుపు రంగు మెడతో తెలుపు నలుపు రెక్కలతో ఈ పక్షులు విహరిస్తున్నపుడు చూడాలి వాటి అందం. హార్న్‌బిల్ పక్షులు జత కడుతున్నపుడు కూడా గాలిలో విన్యాసాలు చేస్తాయి. ఆ వీడియో ఒకటి ప్రస్తుతం ఇంటర్‌నెట్‌లో రాజ్యం చేస్తున్నది.
https://twitter.com/susantananda3/status/1182573658671210496?ref_src=twsrc%5Etfw%7Ctwcamp%5Etweetembed%7Ctwterm%5E1182573658671210496&ref_url=https%3A%2F%2Findianexpress.com%2Farticle%2Ftrending%2Ftrending-in-india%2Flove-is-in-the-air-literally-netizens-react-to-viral-video-of-two-hornbills-mating-dance-6066916%2F
హార్న్‌బిల్ పక్షులు జీవితాంతం ఒక్క పక్షితోనే జతగూడతాయి. జతకట్టే సీజన్‌లో మగ పక్షులు ఆడ పక్షి కోసం పోటీ పడతాయి. ఎవరు ఎక్కువ అరుస్తారన్నది ఆ పోటీ. పోటీలో గెలిచిన తర్వాత కూడా ఆడపక్షి కటాక్షం అంత తేలికగా లభించదు.
చివరికి ఆడపక్షి కూడా సై అన్న తర్వాత జంట గగనసీమలో క్రీడిస్తుంది. విశాలమైన రెక్కలు సాచి రెండు విహంగాలూ ఆకాశంలో ఆడతాయి. మగపక్షి ఆడపక్షికి ఆహారం అందించడం కూడా క్రీడించడంలో ఒక ముఖ్యమైన భాగం. ఈ వీడియోలో కూడా అది కనబడుతుంది.దీనికి సోషల్ మీడియాలో బ్రహ్మాండమైన స్పందన లభిస్తోంది. ఐఎఫ్‌ఎస్ అధికారి సుశాంత నందా దీనిని ట్విట్టర్‌లో పోస్టు చేశారు.