Acharya : మెగాస్టార్ చిరంజీవి, కొరటాల శివ కాంబినేషన్లో రూపొందుతున్న చిత్రం ఆచార్య.. మెగాస్టార్ అభిమానులు ఈ సినిమాలో చిరు ఎలా కనిపించనున్నాడని ఎంతగానో ఎదురుచూస్తున్నారు..!! తాజాగా ఈ సినిమా లో చిరంజీవి, రామ్ చరణ్ ఎలా కనిపించబోతున్నారో పిక్ లీక్ అయింది..! సోషల్ మీడియాలో ఈ ఫోటో వైరల్ అవుతోంది..!
ఆచార్య చిత్రం ప్రస్తుతం భద్రాద్రి కొత్తగూడెం జిల్లా ఇల్లందు సింగరేణి బొగ్గు గనుల్లో చిత్రీకరణ జరుగుతుంది. ఈ సందర్భంగా ఆచార్య సెట్స్ నుండి ఆసక్తికరమైన ఫోటో బయటికి వచ్చింది. చిరంజీవి, రామ్ చరణ్ ఆర్మీ దుస్తుల్లో ఉండగా, వారికి దర్శకుడు కొరటాల శివ సీన్ వివరిస్తూ ఉండడం ఆ ఫోటోలో చూడొచ్చు. ఈ సినిమాలో రామ్ చరణ్ కీలకపాత్ర పోషిస్తున్న సంగతి అందరికీ తెలిసిందే.. దీంతో ఈ సినిమాలో చిరు, చెర్రీ ఎలా కనిపించను ఉన్నారో తెలిసిపోయింది..
ఈ సినిమాను కొణిదెల ప్రొడక్షన్ హౌస్, మ్యాట్ని ఎంటర్ టైన్ మెంట్ సంయుక్తంగా నిర్మిస్తున్నాయి. రామ్ చరణ్, నిరంజన్ రెడ్డి ఈ చిత్రానికి నిర్మాతలుగా వ్యవహరిస్తున్నారు. ఈ సినిమాలో చిరంజీవి సరసన కాజల్ అగర్వాల్ నటిస్తోంది. రామ్ చరణ్ సరసన పూజా హెగ్డే అలరించనుంది.