Wife : సంసారంలో భర్త పాత్ర ఎంత ముఖ్యమో భార్య Wife పాత్ర కూడా అంతే ముఖ్యం.. ఏ ఒక్కరు తక్కువని భావించకండి. భర్త తన భార్యను మరో తల్లిగా భావిస్తే… భార్య తన భర్తను తొలి బిడ్డగా భావించాలట. అటువంటి దాంపత్యం అన్యోన్యంగా ఉంటుంది. అనుబంధం కలకాలం నిలవాలన్న కొత్తగా ఉండాలన్నా ఒకరికి ఒకరు పొగడ్తలు, ప్రశంస అందించుకుంటూ ఉంటే జీవితం సంతోషం గా ఉంటుంది. భర్త నోటి నుంచి వచ్చే చిన్న ప్రశంసను భార్య ఓ వరం లాతీసుకుంటుంది. అందుకోసం ఎదురు చూస్తుంది కూడా. మరి వాటికున్న ఉన్న మహత్యం అటువంటిది.
పరమశివుడిని అర్ధనారీశ్వరుడంటారు. శరీరంలో అర్థభాగాన్ని భార్యకు ఇచ్చినందుకు ఆయనకు దక్కిన అపూర్వ గౌరవం ఇది. సృష్టిస్థితిలయ కారకుడైన భగవంతుడే భార్యకు అర్ధభాగం ఇచ్చి మరి గౌరవిస్తే .. సామాన్య మానవులం మనం మాత్రం ఆమెపై నిర్లక్ష్యం ప్రదర్శిస్తుంటాం. మగని మంచి కోసం పడే ఆర్తిలో సతిని మించగలరా మరె ఆప్తులు..ఏ పూజ చేసినా.. ఏ నోము నోచినా ఏ స్వార్ధమూ లేని త్యాగం భార్యగా రూపమే పొందగా… అన్నారు ఒక సినీ కవి… తెల్లవారుజామున నిద్ర లేచిన దగ్గర నుంచి రాత్రి నిద్రపోయే వరకు ఎంతో శ్రమించి అన్ని పనులు చేసి రుచికరమైన వంట చేసి వడ్డించడం నుంచి ఇంటిని అందంగా అలంకరించుకునే వరకు అన్నింటా కుటుంబం పై ఆమెకున్న ప్రేమ కనిపిస్తుంది.. భర్తను మురిపించాలని, మెప్పించాలని ఆలోచిస్తుంది. ఆయన ప్రశంస కోసం ఎదురు చూస్తుంది.
కానీ భార్య కష్టాన్ని, శ్రమను గుర్తించే భర్తలు.. అతి తక్కువ సంఖ్యలో ఉన్నారన్నది నిజం. ఆఫీస్ లో తాను పడేదే కష్టమని … భార్య ఇంట్లో చేసేది ముంటుంది అన్న భ్రమలో జీవితాన్ని గడిపేస్తున్నారు..మీరు బయటకి వెళ్లి జాబ్ చేసుకోవడానికి అన్ని వీలుగా మీకు ఇంటిలో అన్ని సమకూరుస్తుంది… కాబట్టి బాగా చేశావ్ అన్న ఒక్క మాట ఆమెకు వెయ్యేనుగుల బలం అని మర్చిపోకండి..