Adulteration: చందనం పూజలో భాగంగా దేవునికి సమర్పించి నుదుటిమీద పెట్టుకుంటాము . మనసును ప్రశాంతంగా ఉంచడం తో పాటు ఆధ్యాత్మిక పరమైన మానసిక శక్తిని పెరిగేలా చేసే గుణం దీనికి ఉంటుంది. మనకు మార్కెట్లో దొరుకుతున్న చందనానికి, అసలైన చందనానికి అసలు సంబంధమే లేదు . ఇలాంటి వాటిని పూజ లో వాడడం వల్ల ఎలాంటి ప్రయోజనం ఉండదు. చందనపు చెక్కలను గరుకు నేలపై అరగదీస్తే గుమ గుమ వాసన తో చందనం వస్తుంది. దాన్ని ఉపయోగిస్తే మంచి ప్రయోజనం ఉంటుంది.
పాలు మనం ఎన్నిటికో వాడుతుంటాము. చాలామంది తెలియక గేదె పాలు వాడేస్తుంటారు. గేదె పాలు కి ఆవుపాలు కి మధ్య స్పష్టమైన తేడా ఉంది. గేదె పాలలో సాత్విక లక్షణం అనేది ఏమి ఉండదు. ఆవు పాలలో సాత్విక లక్షణం తో పాటు గోల్డెన్ ఎనర్జీ ఉంటుంది. కాబట్టి గేదె పాలకు బదులు ఆవు పాలు వాడండి. కర్పూరం మన ఆచార వ్యవహారాల్లో చాలా ముఖ్యమైనది. మార్కెట్లో కొనుగోలు చేస్తున్న కర్పూరం హానికరమైన రసాయనాలు నింపబడి ఉంటుంది. ఇలాంటి కర్పూరాన్ని వెలిగించడం వల్ల ఆ ప్రదేశం అంతా కాలుష్యం అవుతుంది. మంచి కర్పూరం ఉపయోగించినప్పుడు ఆ ప్రదేశం లో ఉన్న వాతావరణాన్ని శుభ్రం చేసి మానసిక ప్రశాంతత కలుగ చేస్తుంది.బెల్లం మన రోజువారీ జీవితంలో ఎక్కువగా వాడుతుంటాము. ఇప్పుడు బెల్లం లో కూడా అనేక రసాయనాలతో నిండి ఉంటుంది. కాబట్టి దానికి బదులు సేంద్రియ పద్ధతిలో తయారు చేయబడిన బెల్లాన్ని వాడుకోవాలి. వీటిలో ఎటువంటి రసాయనాలు ఉండవు.
తేనె ఇప్పుడు మార్కెట్లో దొరుకుతున్న చాలా తేనెలు ఎక్కువగా వేడి చేయడం వల్ల వాటిలో ఉండే పోషకాలు నశించిపోతున్నాయి. ఇలాంటి తేనె వాడటం వల్ల ఎలాంటి ప్రయోజనం ఉండదు. కాబట్టి తేనెను కూడా సేంద్రియ పద్ధతిలో తీసినటువంటి దాన్ని వాడాలి.
ప్లాస్టిక్ డబ్బా ల తయారీలో చాలా హానికరమైన రసాయనాలు ఉపయోగిస్తారు. కాబట్టి ఇలాంటి ప్లాస్టిక్ డబ్బాలు పూజలో కానీ మన రోజువారీ జీవితంలో కానీ అస్సలు వాడకూడదు. వీటికి బదులు స్టీల్ ,గాజు , రాగి వెండి పాత్రలు ఉపయోగించవచ్చు.
సాంబ్రాణి : ఎలాంటి రసాయనాలు లేని సాంబ్రాణి వాడినప్పుడు అది ఆ ప్రదేశం లో ఉన్న వాతావరణం పూర్తిగా శుభ్రం చేసి, శరీరానికి, మైండ్ కి, ఆత్మకు ఒక కొత్త ఉత్సాహాన్ని ఇస్తుంది. ఇది ఆ ప్రదేశాన్ని పాజిటివ్ ఎనర్జీ తో నిండేలా చేస్తుంది. ఇప్పుడు మార్కెట్లో దొరుకుతున్న చాలా రకాల సాంబ్రాణి రసాయనాలతో ఉండడం వలన ఆ ప్రదేశాన్ని పాడుచేస్తున్నాయి. వీటికి బదులు పర్యావరణానికి మేలు చేసే వాటిని తెలుసుకుని ఉపయోగించండి . వీలైనంత వరకూ మంచి ఉత్పత్తులను వాడండి. కల్తీ ఉత్పత్తు లు కన్నా కూడా కాస్త ఎక్కువ రేటు అయినా నాణ్యత కలిగిన వాటిని వాడడం మంచిది.