Mahesh Babu: సూపర్ స్టార్ మహేష్ బాబు గురించి ప్రత్యేకంగా చెప్పనవసరం లేదు. టాలీవుడ్ ఇండస్ట్రీలో తిరుగులేని క్రేజ్ ఉన్న హీరో. ఓపెనింగ్ కలెక్షన్లు రాబట్టే మహేష్ తీరు చాలా డిఫరెంట్. మహేష్ సినిమా రిలీజ్ అవుతుంది అంటే చాలా ఆ రోజు మరో సినిమా విడుదల అయ్యే పరిస్థితులు ఉండవు. ప్రస్తుతం ఇండస్ట్రీలో వరుస విజయాలతో మహేష్ రాణిస్తున్నాడు. ఇదే సమయంలో సర్కారు వారి పాట సినిమా షూటింగ్ కంప్లీట్ చేసే పనిలో ఉన్నాడు. ఆ తరువాత తన కెరియర్ లో రెండు మరిచిపోలేని సినిమాలు అతడు, ఖలేజా వంటి డిఫరెంట్ జోనర్… సబ్జెక్ట్ కలిగిన సినిమాలు ఇచ్చిన మాటల మాంత్రికుడు త్రివిక్రమ్ తో మార్చి నెల నుండి మూడో సినిమా చేస్తున్న సంగతి తెలిసిందే.
ఇదిలా ఉంటే మహేష్ తో నటించాలని తన డ్రీమ్ అంటూ వైసీపీ ఎమ్మెల్యే రోజా తన మనసులో మాట ఇటీవల బయటపెట్టింది. విషయంలోకి వెళితే జబర్దస్త్ స్టార్ కమెడియన్ హైపర్ ఆది హోమ్ టూర్ లో భాగంగా… నగరిలో ఎమ్మెల్యే రోజా నివాసానికి వెళ్లారు. ఈ క్రమంలో ఎమ్మెల్యే రోజా ఇంటి లో అడుగు పెట్టిన సమయంలో… హాలులో వెంకటేశ్వర స్వామి చిత్రపటం కనబడగా పక్కనే ఉన్న రోజా నీ… హైపర్ ఆది ఆయన ఏం కోరుకుంటారు అమ్మ.. అంటూ ప్రశ్నించగా వెంటనే రోజా సమాధానమిస్తూ కృష్ణ గారి అబ్బాయి మహేష్ బాబు తో సినిమా చేయాలని ఉంది అంటూ… రోజు ఆ దేవుడిని కోరుకుంటున్నట్లు తన మనసులో మాట బయటపెట్టారు.
అనంతరం రోజా కిచెన్ లోకి వెళ్లి టీ పెట్టి… హైపర్ ఆది టీం సభ్యులకు ఇవ్వడం జరిగింది. జబర్దస్త్ ఆది.. జబర్దస్త్ లో పనిచేసిన ప్రతి కంటెస్టెంట్ ఇంటికి వెళుతూ హోమ్ టూర్ కార్యక్రమం నిర్వహిస్తూ ఉన్నారు దీనిలో భాగంగా రోజా ఇంటికి వచ్చిన సమయంలో… ఈ సంభాషణ జరిగింది. ఇదిలా ఉంటే రోజా తో అప్పటి తోటి హీరోయిన్ విజయశాంతి తో… మహేష్ బాబు సరిలేరు నీకెవ్వరు సినిమాలో నటించడం జరిగింది. మరి ఇటువంటి తరుణంలో వైసీపీ ఎమ్మెల్యే రోజా డ్రీం మహేష్ తో సినిమా నెరవేరుతుందో లేదో చూడాలి.